dimarts, de desembre 19, 2006

Nadâl al è ca

Si o ai finût di studiâ come un mat. I risultâts a son ancje rivâts, doi vôts medios, 22 e 25, no ai trop di lamentâmi. Doman o torni sù, e viodarin par un 10 dîs di stacâ di dut che mal nol fâs. Cuissà ce che nus puartarà il 2007. Mi samee îr che al jere il 2000 e il millenium bug. Usgnot o vuei lâ a bevi alc fûr par saludâ un pôcs di amîs e festegjâ. Cumò o stin viodint ancje par lâ a Gjinevre a viodi il salon des machinis a Març. al à di jessi biel. No come ca che al è plen di cojons che a vegnin dome a cjalâ lis feminis crotis. In chest moment pe strade al è un rumoron che a zuin Bologna-Juve. Stadio plen. cun chel che coste... Bon sperin che chestis fiestis a partedin alc di bon in ducj i cjamps, studi e privât. Forsit plui in chest ultin.

dijous, de desembre 07, 2006

Sot esams

Eh sì, o sin di gnûf sot esams. O ai finût vuê lis lezions, e sabide si scomense. Sì, sabide 9 di Dicembar. Dut al mont al fâs al puint e jo no. Si podial jessi plui bastarts?? Cussì mi piardi ancje che pursitin là di me. Pecjât. Sperin almancul di passâ. Fin al 19 o ai un cuatri esams. Po viodarin se rivarai a gjoldi un pôc. No mi samee neancje Nadâl, nol è frêt, no ai timp di fâ nuie. Po ben. Îr di sere crodi di vê vinçût la prime partide di Monopoli de me vite. Une biele sodisfazion, ancje se stamatine o vevi un grum di sun. Undis e trê minûts di sere. Adore ma o crodi che o larai a durmî. Doman o ai di studiâ. No stai a crodi a chei che us contin che la vite dal universitari e je une cazzade. Se no tu fasis nuie sì. Se no tu studiis. Ma se no no. Al è un stress. E tal mê câs un stress frecuent. Comunque mi plasares vê une machine fotografiche digitâl par fâ cualchi foto. Ma no le ai. Buine gnot

dilluns, de novembre 27, 2006

Cueis, e seradis

O soi stât sabide a fâ un zîr su pai colli bolognesi. plui di 2 agns culì e no eri mai stât, une vergogne... Puescj veramentri biei, dopo a jerin ducj i colôrs sul ros e l'arançon, cun bielis viodudis sul bas. Al è incredibil come a pôçs chilometris di une grande citâts tu cjatis zonis cussì salvadis e bielis. E po chê altre sere che soi lât a sintî sunâ il me compagn di cjase. Al sune il liron. Il gjenar no mi plâs, ma al jere dome par fâ alc. Dopo sin lâts a cjase di chê sô amie e bon. Al è simpri divertent fâsi une serade cussì ogni tant. Bon cumò chestis dôs setemanis o ai di studiâ come un ludro parcè che i esams a son dongje. E dut al torne a scomençâ come une volte. Sigh

dijous, de novembre 16, 2006

Jo odei i trenos

Jo ju odei. Ma plui di ogni altre robe. Mi metin al siopar juste cuant che o ai di tornâ sù. O soi sigûr che l'Italie al è l'unic paîs disvilupât dulà che sucedin robis cussì. Sperin che faledi dut cussì a tornin a creâ une societât di zero. E magari viarzin ancje ae concorince. Ma son dome sperancis. A cambiin i guviers ma nol cambie nuie. Stupid country. I should have left it before. Hope there is still time for that.
O ai ancje di scomençâ a fâ alc cul studi, vonde bassilâ dome cun Internet e gjoldisila cui amîs. Lu disi simpri, si sa mai che e sedi la volte bune. Vuê o ai ancje savût che un esam che o ai ancjemò di passâ, fisiche, al sarà ancjemò plui dificil, di disperâsi.
Intant soi passât a Blogger Beta. Varai di inzornâ il model par viodi dutis lis novitâts, fasarìn ancje chest. Cumò si puedin zontâ lis etichetis par ogni messaç. Mah

diumenge, d’octubre 29, 2006

The days of way back

O soi lât a durmî a lis 5. Cul fat dal cambiament de ore (che no ai mai capît dal dut jo...) nol sameave tant tart; po si sin metûts a zuiâ a Risiko e il timp al è svolât. Miôr chel dal Monopoli, chel mi fâs propit rabiâ, piardi bêçs no mi plâs. Comunque, o stavi pensant che trê agns fa, chest periodi, o jeri biel che mi la gjoldevi in Californie. Za trê agns mi samee îr. O mi samee un insium. Chês spiagis mi son restadis dentri, in Friûl no son puescj dulà lâ sul mâr e cjalâ cence vê nissun atôr. Boh, forsit di unviar. Però lì tu viodevis propit l'ocean, un spazi che no tu sâs dulà che al finìs e dulà che al è scomençât. Al jere compagn ancje in Portugal.. al è naturâl che vint simpri sot dai voi che viste lì ti ven naturâl ti cjapâ la barcje e viodi ce che al è oltri. Cuissà se rivarai a tornâ a San Francisco. Là si cjate ancje la fumate, par cui o saressi a cjase, forsit juste un cuatri salidis masse ripidis ma par chel tu fasis l'abitudin. Trê agns. Ciert che se tu ti metis a cjalâ indaûr spes ti ven dome mâl al cûr. Miôr cjalâ indevant, sperant che al puartedi alc di bon

dimecres, d’octubre 18, 2006

Passade ancje chiste

Ancje il complean al è passât. Soi lât a mangjâ une pize cun chei de clas e dopo a bevi alc. Ae fin mi soi divertût. Comunque, crodi che chist al sedi il periot plui cuiet di cuant che o ai tacât cu la universitât. Nissun test intermedi, dome i esams a la fin. Par cui no tu âs un grum di pression, tu ti la puedis cjapâ un tic plui comude cul studi. Sperin no masse. Stoi ancje zuiant un biel pôc cul ordenadôr rispiet ai mês precedents. Soredut MicroMachines V4, ch'al è une figade di zuiâ cui amîs. E Toca Race Driver2 par sintîsi un pôc Schumacher. Dopo se un al è cojon lu fâs ancje te realtât. Jo dome ogni tant, no cuant che o passi pe place di Palme. Buenas noches

dimarts, d’octubre 10, 2006

Horatium

Siarin ancje cun cheste ode che e je bielone par me, se tu cjalis oltri il vers (abusât) dal carpe diem. Se us covente une traduzion, cirîtla su Google.
Tu ne quaesieris, scire nefas, quem mihi, quem tibi
finem di dederint, Leuconoe, nec Babylonios
temptaris numeros. ut melius, quidquid erit, pati.
seu pluris hiemes seu tribuit Iuppiter ultimam,
quae nunc oppositis el pene debilitat pumicibus mare
Tyrrhenum: sapias, vina liques et spatio brevi
spem longam reseces. dum loquimur, fugerit invida
aetas: carpe diem quam minimum credula postero.

O sin vecjos

Leint il messaç di chê altre volte al è cambiât un tic... o soi rivât a passâ mieç esam juste par dî di no vê dome piardût timp. Al è ancje rivât il frêt, un pôc in ritart, ma simpri compagn, culì e mancje dome la buere e dopo al sarès come il frêt furlan. Sabide e domenie mi soi a vonde divertût al jere un biel conciert in place Maiôr cun artiscj impuartants, e, come che disin, best of all, dut a gratis. E dut plen come simpri cuant che no si paie un franc. Sabide di sere o sin restâts sù dute la gnote par viodi la formula 1 e dopo Schumi al spache il motôr e dut al va in casin, po ben, al restarà simpri il plui grant di ducj par me cont. Fasint chest blog (o bloc a la catalane) mi ven simpri tal cjâf il stream of consciousness, il flus di cosience, che nus diseve simpri la nestre prof di inglês, cuant che nus fevelave di James Joyce. Parcè chest al è propite un flus, cui trê ponts cuant che no mi ven tal cjâf une robe e vie indevant. Il titul al è par vie che o fasi i agns. Sabide. 21 agns. Une altre piere impuartante. Viodarai di paiâ di bevi a cualchidun.
Ah, domenie a'nd àn fat di gnûf la partide di balon Catalunya-Euskadi. Bulos e bon.

dilluns, d’octubre 02, 2006

Life goes on

No mi visi se e jere une cjançon che faseve cussì... mi pâr di sì... si tire indevant, o stoi vint cualchi delusion dal mont Internet furlan, ma ancje cualchi sodisfazion. Par chel che conte pardabon, la universitât, mah. No soi tant fiduciôs, un tic blocât, impantanât. Il brut al è che al samee che ducj a fasin esams a manete, a son in pari e bravonons. E jo l'unic coion. O ai simpri plui voie di finî parcè che a la fin al è un grum di stress, ancje se tu ti divertissis un pôc. Ogni tant o pensi di jessi stât masse braurôs, masse orgoglio, che se lavi a Triest o vevi za une lauree in man. Ma jo no soi par lis robis facilis. O soi un cjavon, che al impare dome sbaliant. E chest al è bon a voltis e une sfighe altris voltis. Il timp intant al è estîf. 25 grâts, robis di jugn, une biele buerute, ancje di sere. Nol è neancje mâl, prime o dopo mi insumiarai di chest timp cuant che fûr al sarà umidon e un fumaton di no viodi neancje la curve a cent metros dal mê barcon...

dimarts, de setembre 19, 2006

Setembar sfigât

Par cumò, setembar nol à partât bunis gnovis, dome brutis... forsit al jere un câs la fortune di lui, forsit no. Mah. Doman o torni in Friûl... viodûts i risultâts mi sa che al jere miôr se o restavi lâ a fâ nuie. Ciert che l'universitât e je un biel stress, se tu restis indaûr cui esams (come l'80% de int), parcè che no tu rivis mai a stacâ. Tant miôr a lis superiôrs... ma si sa o sin simpri nostalgjics e chel che al è passât nus samee perfet e chel di cumò un cesso. Ah, a Friuli DOC al à plovût. Normâl. Par mê dome a lui podaressin jessi sigûrs di no vê ploie. O se no la spostin in cualchi altri puest dal Friûl dulà che al plôf di mancul. Lis robis a son simpri chês, comunque, e al è simpri un casin di int che tu ti scjinfis a fâ une file dome par cjoli alc di mangiâ. La notizie piês e je però stade chê che cui ritîrs e robis cussì a la fin mi vevin dât un puest pal Erasmus in Irlande. Se no fossi un brâf frut, mi sares freât di dut e o sares partît. O scugnarai sfogâmi cun altris robis. Life is hard o ai sintût che diseve alc cussì pe muart di Oriana Fallaci, un sô test, che al diseve: La vite e je dure, però tu gjoldis. Ma e reste simpri dure. Parole sante

dimarts, de setembre 12, 2006

Mandi estât

Sì, no je finude ma cuasi. Îr o soi lât al mâr, a Cervia. No jeri mai lât di chês bandis, cun dut chel che cjacarin. Judizi: mâr... come a Grau/Lignan. Nuie di speciâl, ma jerin un cuatri bielis ondis. Spiage ben atrezade, cun bielis sdrais, divertiments pai fruts, palestre, musiche e vie indevant. In Friûl tu pais un casin par vê cuasi nuie... e no vin nancje cuissà ce bielecis di mâr. Fin cuant che i todescs a vegnin, dopo si rangiaran. Comunque di sere al è ormai frêt. Jo o studii, simpri chês robis, ce coions. I esams indaûr a son chei piês, e cuant che son tancj a samein ancje di plui. O soi un tic avilît ma neancje tant, mi soi rilassât par chel a Avost, par dismenteâ dut chist, ma dopo tu stâs pôc par tornâ al pont di prime. Sabide e domenie Friuli DOC. O crodi di lâ sù, al è za doi agns o forsit trê che no voi... e je comerciâl come fieste però e je simpri furlane. E la nostalgjie e je simpri tante. CHiste e je une biele citât e dut, ma nuie al è come il puest dulà che tu sês nassût. E tu lu capissis dome cuant che tu vâs vie. Good night

dilluns, de setembre 04, 2006

Back to bizness

O soi tornât a la dure realtât, prime o dopo se o ai timp fasarai un resocont...par intant chestis ca a son cuatri riis che o ai butât ju intun esam fat pôc fâ (e lât mâl, pe cronache... no crodi che mi daran un 30 dome scrivint chestis robis :D):

Va in casin tu e la tô materie
va a fâ cualchi robe plui serie
chistis robis ca no lis doprin plui
ma tu tu continuis, par cui?

Mi insumii di un puest diviars,
di cualchi colinute su pal Cjars
ma dulintor o viodi cuatri muris
ch'a fasin dutis lis robis plui duris

Cjantussi alc a vôs basse
stant atent a no mostrâmi masse
buti jù chistis cuatri riis par furlan
tant il torment al finirà, mâl, ma durman

divendres, de juliol 21, 2006

Vacancis, at last

Si, o ai siarât cuntun altri bon vôt par cui podi polsâ cumò... o voi un doi dîs in Umbrie e dopo un cuatri al mâr in Abruç. Po forsit mi butarai sul mâr nostran di Grau. Ciert che al è incredibil... ai 1 di Lui o jeri dut butât jù parcè che no saltave fûr nuie, cumò invezit o soi contenton. Miôr cussì. Ca il cjalt al è pardabon fuart, sui 36 grâts dopodimisdì, cul asfalt ch'al bute sù un grum. Bon cumò o sarai un mesut o plui cence Fastweb... in Friûl cul 56k mi samee di vê une biciclete invezit di une Ferrari... dute cuestion di abitudin. O varai cussì di lassâ un pôc stâ i progjets online, ma o crôt che il mont al larà indevant instès. O almancul speri. Mandi e buinis vacancis ai miei 4 letôrs (citazion dote di Alejandro Manzoni :D)

diumenge, de juliol 16, 2006

Lui sut, ma Lui fortunât

Lui fin cumò al è stât sut, ma fortunât. O ai cjapât doi trente e lode, in dôs materiis a vonde dificilis. Cumò miercus si finis, pò un mesut di relax no mi lu gjave nissun. Vuê pe prime volte si viodin i nûi e no il soreli. Bon a la fin il discors al è simpri chel, si sufrìs simpri sei pal cjalt che pal frêt. Intant o sin ancje campions dal mont, jo no ai fat tante fieste, ma soi content, àn zuiât a vonde ben, àn vût un biel cûl, e al è simpri biel bati i francês, che a'nd àn simpri di vê reson.

dissabte, de juliol 01, 2006

Int che fâs casin

Îr di sere mi veve vignût un biel nervôs, cun dute la int che passave sot dal barcon sunant il clacson e sberlant. Va ben un pôc però prime o dopo i si brusarà chel sunet no? Pò dut par une vitorie cuintri une scuadrute. Mah. Vuê par fortune al è un pôc mancul cjalt, al è un buerin biel. Martars speri di tornâ in Friûl a cjapâ un pôc di fresc, ancje se ca al è cjalt par dut. E no sai sarà parcè che soi za avilît di me parcè che tai ultins timps al va dut mâl, no voi indevant plui, ma la citât di estât mi samee cussì ...boh. Mi covanterès un pôc di fortune, che però no ai. O ai dulà che podares ancje fâ di mancul (un treno cu l'arie condizionade par dî). SFIGA GO AWAY PLEASE! Sperin ben di rivâ a mancul a gjoldi avost al mâr o dulà che o sarai

dimecres, de juny 21, 2006

Un cuatri dîs in patrie

Doman o torni dal vecjo Friûl. No viodi l'ore di sintâmi inte taverne e gjoldi un pôc di fresc, in citât no tu crodis trop cjalt che al bute sù l'asfalt e trop che tu ti scjinfis ancje a fâ dome cuatri pas. Po ben, o ai ancje robe di studiâ... vuê o ai fat un esam di eletroniche e sperin ben, cualsisei vôt al va ben, no mi free plui nuie de medie ma dome di finî... un ch'al scrîf cussì al à di jessi za agns che fâs la univ; invezit no, si pol dî che o ai pene scomençât. E je int che no samee preocupade di stâ ca dîs agns, e, no par jessi raziscj, ma un grum a son dal sud; jo no podi fâ cussì, mi samee di robâ, o ai gole di cjatâmi un lavôr, e comprâ une machine, pò magari une cjase (no scherzi, ma al è tipic di un furlan :D). plui che altri o vares voe di lâ vie de Italie, o sinti tancj che disin no a un lavôr tal forest: jo tra un lavôr tal forest e un in Italie no varès dubis; tra un tal forest e un in Friûl cualchi dubi, ma sielzares simpri il forest. Forsit vevi di lâ a fâ l'universitât in Austrie come che fasevin i vecjos...

dimarts, de juny 20, 2006

Friûl - Catalogne

Eh sì, a la fin al è rivât cualchidun, il mitic Dree... che mi à ancje metût tai leams dal sô blog che al è aromai une istituzion. Il fat al è che ancje Internet, come il mont, al è piçul, soredut pe lenghe furlane... no crôt che si rivedi ancjemò a cent sîts inte marilenghe... po ben, al è ancje par chist che o scrivi par furlan, se o oraressi fâ un blog seguit, I'd rather use english and perhaps I would have also tons of visits... ma chist invezit al è un diari personâl, un sfogo. Ma par restâ in argoment, plui mi informi sui catalans e plui ju invidi... ciert no si podin fâ paragons, lôr son un toc impuartant de Spagne, e son tancj, nô pôcs e masse fûr man... ma par esempli cuissà se viodarin mai un sît come VilaWeb - Diari Electrònic Independent, un gjornâl, ancje dome in rêt dut par furlan. Mah... si scugne crodigi, ma no lu viôt tal futûr, se no tu scomencis a insegnâ ai zovins a scrivi e a lei a scuele.
Intant il studi al va indevant, e sperin a rivedin ancje i risultâts... e che no sedin come chei de Italie, che e je suete e si alzin masse i comedons

dissabte, de juny 10, 2006

Balon

Aromai ca il clima al è in plen che dai mondiâi di balon in Gjermanie, ma se chês altris voltis o podevi cjalamiju in pâs sul divan, cumò a soi ancjemò a sudâ sui libris, e al larà indevant almancul par un mesut. Par fortune (me) che la RAI no à i bêçs par comprâ dutis lis partidis, par cui o sin a une partide ogni dì e vonde, ancje se mi romp lis balis che a decidin lôr ce mostrâ, dome parcè che zuie al Brasîl e àn di mostrâle. Mah, mi stoi simrpri interessant mancul al balon, miôr il basket o lis bunis vecjis machinis/motos; lì se zirin sols al mancul a riscjin il cûl, no dome un zenoli che si comede. E po no soi mai stât tant tifôs talian, ancje se i furlans a'nd àn judât un casin l'Italie, baste pensâ a Bearzot from Uanis, Friûl; cuissà magari a vignaran fûr ancje ca come in Spagne lis nazionals regjonals, mi plasarès viodi une selezion furlane. Starin a viodi, pò sigûr che cualchi bevude cui amîs si fasarà. E al è chel l'impuartant, nomo?

dilluns, de maig 29, 2006

Jugn al è za ca

ce biel ch'al è mai però. Lis seris cuntun pôc di buere mi plasin masse, stant lontan dal Friûl mi soi acuart che la buere e je une robe a cui sin usâts... parcè che, ca di me almancul, no je mai masse, simpri chel tant, che soredut di unviar jude a tignî lontan la fumate. Po ben, o ai fat un cuatri esams in chest periot, no sai ancjemò i risultâts, po al sarà un lunc fin setemane, grazie a la "fieste nazionâl"... jo no fâs fieste, ma une zornade di mancul in citât no je mâl. Ancje parcè che prest al rivarà il cjalt vêr e lì alore si patirà...
îr soi ancje stât a Mirabilandia, che par cui che nol sa al è un parc di divertiment dongje Ravenna... i zûcs cu la aghe a son i plui biei, e se tu sês in companie tu ti divertissis un grum

dissabte, de maig 20, 2006

Balon, furbos e cine

Sin di gnûf sot esams... ca no si finis mai. Intant tal balon al sucêt di dut, e dopo a disin che un nol à di vergognâsi di jessi talian... o cu lis scomessis, no capissi cemût che cussì tancj zuiadôrs cun dut ce che bechin e àn voie di riscjâ cussì. O sin al livel di tierç mont no miôr... ridin se sucedin in Vietnam o in Argjentine ma ca a si fâs di piês. Che altre sere o viodevi La meglio gioventù aka La miôr zoventût di Pasolini... biel cine ancje se mi mandin dome il prin toc e chel altri cuissà cuant. E un professôr di letaris mi pâr i diseve di lâ vie de Italie prime ch'al podeve... e o jerin tai agns 60, boom economic e dut il rest. Sperin di rivâ a passâ il confin prime che sedi masse tart

divendres, de maig 12, 2006

Big city life

Chestis citâts a son propit grandis. No covente lâ a Los Angeles o cuissà dulà, za une citât come Bologne e je grandone. Lu pensavi chê altre gnot suntun autobus, ch'al continuave a lâ viers fûr e a erin simpri cjasis ator. E dut al ere silenziôs cence traffic, ma biel, ancje se dut diviars rispiet ae Americhe, ca nol è che tu puedis zirâ a vueit in machine, no tu âs chilometros di autostradis (e chês che son tu lis pais masse). Mah, o stoi studiant pes provis intermidiis, sperin in cualchi bune gnove pe fin de prossime setemane, e che no sedin veris lis previsions che disin ch'al rive un grum di cjalt

dimarts, de maig 09, 2006

30 agns dal taramot

Ai 6 di Mai a colavin i 30 agns dal taramot che al à butât jù paîs intîrs. Jo no eri ancjemò nassût, ma dome a viodi lis imagjinis mi vegnin i sgrisui, e ancje o soi orgoliôs parcè che dut al è tornât come prime. Sperin di no dismenteâsi mai di ce che i furlans a àn fat come che fasin par tantis altris robis de nestre storie antighe.

dilluns, de maig 01, 2006

Incuintris

Al è incredibîl però come tu incuintris int simpatiche par câs. îr di sere o jeri in Place Sant Stiefin, lì des siet glesiis (e cun chest se cualchidun al sta leint al à forsit capît dulà che voi a torseon/studii...) o jeri sintât cuntun amì e cjacarant o vin cjatât un doi fantats dal puest (al è dificîl cjatâju, a son masse di fûr) e a la fin si sin divertûts. A son chestis lis robis che mi plasin. Ancje se chest al è un timp di polse, par cui al pues jessi par chest che mi soi divertût, i moments dûrs e àn di vignî. Ma, come che disin tal rèclame, life is now, so screw you up, carpe diem e vie di lunc

dissabte, d’abril 29, 2006

Under the bridge - Red Hot Chili Peppers 1991

Sometimes I feel
Like I don't have a partner
Sometimes I feel
Like my only friend
Is the city I live in
The city of angels
Lonely as I am
Together we cry

I drive on her streets
'Cause she's my companion
I walk through her hills
'Cause she knows who I am
She sees my good deeds
And she kisses me windy
I never worry
Now that is a lie

I don't ever want to feel
Like I did that day
Take me to the place I love
Take me all the way

It's hard to believe
That there's nobody out there
It's hard to believe
That I'm all alone
At least I have her love
The city she loves me
Lonely as I am
Together we cry

I don't ever want to feel
Like I did that day
Take me to the place I love
Take me all that way

Under the bridge downtown
Is where I drew some blood
Under the bridge downtown
I could not get enough
Under the bridge downtown
Forgot about my love
Under the bridge downtown
I gave my life away

Di gnot

3.51 dopo miezegnot. O vevi di finî di viodi un film, parcè che si sa, in cheste nazion i films biei ju mostrin simpri cuant che nissun ju pues viodi. E ancje se al scomence une ore dopo par vie di stupidis discussions politichis, ce cambie? Purpûr, la citât no duar mai. Pe strade al è simpri cualchidun ch'al passe, e ju invidi ogni tant, parcè che guidâ vie pe gnot e je une des robis plui bielis di chest mont. Pecjât che chest continent al è masse piçul, si scugne là di chê altre bande dal Atlantic par gjoldi un pôc, come tancj sunadôrs a insegnin. Un dai miei insiumps al è chel di fâ un biel coast to coast di ovest fintremai a est. Cuissà mai se che nus riservarà il futûr. 3.57, e je propi ore di lâ a durmî un ninin...

dimarts, d’abril 25, 2006

Figuris di une volte

 Posted by Picasa

dilluns, d’abril 24, 2006

Il cjalt e la gnot

îr di sere o soi lât a fâ un zîr tal centri di cheste benedete citât taliane. Al jere come simpri plen di int, robis che se no t viodis no tu crodis, pûr cun dut che cumò al è il puint par cheste fieste de liberazion e menadis variis; al jere cjaldon, par fortune che o ai lassât cjase il giubot lisêr se no lu lassavi tal mieç de strade. E sin dome a la fin di Avrîl. Purpûr, buinis gnovis dal pont di viste dal studi... al è rivât un biel 28 dopo di tantis soferencis. Magari al è un segno di un inversion de rote. Life is now.

dissabte, d’abril 22, 2006

Il timp al passe...

Ancje la Pasche e je passade... però mi soi rilassât, o vevi propite bisugne si une pause... e o ai ancje fat une vore di pinsîrs, parcè che a mi lis messis in gjenar mi fasin pensâ a dut il possibil imagjinabil... soredut chês di sere, che par me cont a son lis plui bielis, come la via crucis, pecjât che son simpri masse pocjis, ancje se simpri di plui di chês inte marilenghe... cumò aromai mi samee za di jessi in estât, soreli, cjalt, dut in flor e dut vert... e za si scomence a tornâ a pensâ al unvier.... al è un mont difficil. Prest torni ancje a scomençâ lis lezions, o speri che sedin plui interessantis des ultimis, starin a viodi come simpri...

dijous, d’abril 20, 2006

Easter 1916

I have met them at close of day
Coming with vivid faces
From counter or desk among grey
Eighteenth-century houses.
I have passed with a nod of the head
Or polite meaningless words,
Or have lingered awhile and said
Polite meaningless words,
And thought before I had done
Of a mocking tale or a gibe
To please a companion
Around the fire at the club,
Being certain that they and I
But lived where motley is worn:
All changed, changed utterly:
A terribly beauty is born.

That woman's days were spent
In ignorant good-will,
Her nights is argument
Until her voice grew shrill.
What voice more sweet than hers
When, young and beautiful,
She rode to harriers?
This man had kept a school
And rode our wingèd horse;
This other his help er and friend
Was coming into his force;
He might have won fame in the end,
So sensitive his nature seemed,
So daring and sweet his thought.
This other man I had dreamed
A drunken, vainglorious lout.
He had done most bitter wrong
To some who are near my heart,
Yet I number him in the song;
He, too, has resigned his part
In the casual comedy;
He, too, has been changed in his turn,
Transformed utterly:
A terrible beauty is born.

Hearts with one purpose alone
Through summer and winter seem
Enchanted to a stone
To trouble the living stream.
The horse that comes from the road,
The rider, the birds that range
From cloud to tumbling cloud,
Minute by minute they change;
A shadow of cloud on the stream
Changes minute by minute;
A horse-hoof slides on the brim,
And a horse plashes within it;
The long-legged moor-hens dive,
And hens to moor-cocks call;
Minute to minute they live;
The stone's in the midst of all.

Too long a sacrifice
Can make a stone of the heart.
O when may it suffice?
That is Heaven's part, our part
To murmur name upon name,
As a mother names her child
When sleep at last has come
On limbs that had run wild.
What is it but nightfall?
No, no, not night but death;
Was it needless death after all?
For England may keep faith
For all that is done and said.
We know their dream; enough
And what if excess of love
Bewildered them till they died?
I write it out in a verse --
MacDonagh and MacBride
And Connolly and Pearse
Now and in time to be,
Wherever green is worn,
Are changed, changed utterly:
A terrible beauty is born.

William Butler Yeats

divendres, d’abril 07, 2006

In partenze

Sì, doman o torni in Friûl par chestis benedetis elezions e par Pasche, e mi stachi un pôc dal mont e di Internet e o torni a viodi un cuatri amîs. O ai robis di studiâ ma un pâr di dîs a saran di sigûr dedicâts al relax parcè che in chest periodi mi covente propri. Vuê e je une biele zornade di primevere, soreli, frescut, no ti ven za voie di stâ dentri, e sin dome al inizi... sperin ben. Cuissà ancje se chest blog al larà indevant, mi mancin za lis robis di scrivi. Boh. O ai ancje di visâmi di fâ cualchi biele foto di meti su la rêt parcè che dal Friûl si viôt pardabon pôc ancje se i puescj che a mertin no son tancj, son tantonons, però ju considerin "normâi"

dimecres, d’abril 05, 2006

Gnot prime dai esams

Doman un esamut... dovaressi savê a vonde par passâlu, ma in chest periodi dut samee lâ stuart. Prime però pensavi che soi un grum plui preocupât pe situazion politiche taliane.... si stan scjaldant masse par me cont, o ai pore che vignedin fûr casins prest... viodarin e sperin di sbaliâmi. E che doman al ledi dut ben, par gjoldi un ninin la Pasche a cjase...

Parcè chist puest? Why this kind of stuff?

Parcè scrivio ca... no lu sai... forsit parcè che ducj a'nd àn un blog e io mi sintivi tajât fûr. Ma dato che soi timit, jo no vuei spiegâ robis, o informâ, e par chest al è ancje inte marilenghe. Ma ancje parcè che mi plâs propit tant fevelâlu, scrivilu o leilu, su Internet al è masse pôc, e magari chês cuatri rîs ca puedin judâ. Pò cussì la audience e je di sigûr plui basse che se o scrivès par talian o piês par inglês, e e je mancul int che mi podarà cjoli in zîr. Duncje chest al sarà un diari, scrit par furlan vonde just (plui de medie almancul), ancje se il furlan che o feveli al è vonde diviars par cui no simpri la grafie o lis peraulis a son chês justis... ma jo par cumò mi contenti

dilluns, d’abril 03, 2006

Pinsîrs di une sere

No sai ce fâ
lâ vie o stâ ca
mi plaserès podê mandâ dut in casin
scuvierzi il puest dulà che si cjatin
il mont e je une robe strane
la nature e je simpri lì daûr che nus clame
fra un pâr di agns di chest o ridarai
par chê volte o crodin che varin capît alc
cuant che no vararin pôre di un palc
lassimi stâ in chescj pinsîrs
no soi come tancj che dome samein sincîrs....