dimarts, d’octubre 10, 2006

O sin vecjos

Leint il messaç di chê altre volte al è cambiât un tic... o soi rivât a passâ mieç esam juste par dî di no vê dome piardût timp. Al è ancje rivât il frêt, un pôc in ritart, ma simpri compagn, culì e mancje dome la buere e dopo al sarès come il frêt furlan. Sabide e domenie mi soi a vonde divertût al jere un biel conciert in place Maiôr cun artiscj impuartants, e, come che disin, best of all, dut a gratis. E dut plen come simpri cuant che no si paie un franc. Sabide di sere o sin restâts sù dute la gnote par viodi la formula 1 e dopo Schumi al spache il motôr e dut al va in casin, po ben, al restarà simpri il plui grant di ducj par me cont. Fasint chest blog (o bloc a la catalane) mi ven simpri tal cjâf il stream of consciousness, il flus di cosience, che nus diseve simpri la nestre prof di inglês, cuant che nus fevelave di James Joyce. Parcè chest al è propite un flus, cui trê ponts cuant che no mi ven tal cjâf une robe e vie indevant. Il titul al è par vie che o fasi i agns. Sabide. 21 agns. Une altre piere impuartante. Viodarai di paiâ di bevi a cualchidun.
Ah, domenie a'nd àn fat di gnûf la partide di balon Catalunya-Euskadi. Bulos e bon.

1 comentari:

  1. Anònim09:27

    O pensavi esatamenti come te cuant ch'o ai vût 21 agns: O stoi deventant vecjo!
    Daspó il timp al a tacât a cori...A cori...Cussí svuelt ch'o no mi soi indacuart nancje ch'al passave.40 agns dopo o mi dîs ch'o soi stât propit stùpit. Pas feminis o ai pierdût 15 agns in stupidagjinis, pe famée o ai pierdût 20 agns di energjie e finalmentri o ai capît: Cumó o sai ch'a no si sà mai avonde:-)

    ResponElimina