Inzignîr!!

finût dut!! e dopo di une archeolighe, di vinars, misdì e mieze, there's a new engineer (junior) in town cuntun voto di 95/110... o dopo il gustâ, la birute cjase, la birute al parc, il shot in centro e il limoncello prime di lâ a durmî, îr o jeri in coma :-) ma di vuê o soi in feriis e bon, ancjemò un pâr di dîs ca a sistemâ cualchi robe, po o smoli il computer a me sûr e voi vierç sud. po dopo dal 10-15 di Avost tornarai, ancje se po su no ai Internet flat par cui nol è che podi fâ tant. se varai timp in chescj dîs o fasarai ancje un riassunt dai esams fats, juste pal gust di fâlu. dree, se tu âs alc di interessant si pues combinâ, chist an o varessi ecezionalmentri ancje di jessi libar par Friuli DOC ;-)

però par dî la veretât no ai ancjemò realizât, che dopo 4 agns soi rivât insomp. livin' in a dream

Un di mancul

Grazie a ducj pai augûrs a fasin simpri plasê ;-) Vinars o ai fat l'orâl presentant un progjet e ancje se no il progjet al faseve schifo, a mancjavin tocs, no si capive nuie, a vin becât un 26, che cul 29 dal scrit mi à fat scrivi sul libret un biel 28. Pecjât che al jere un dai esams plui facii che mi mancjavin... sperin ben pai altris... la sere sin lâts a bevi alc par festegjâ, cjot in 6 il cjossul di bire di 5 litros al transilvania figo bevi cun lis canucjis... e poi un doi shots al College par finî la serade. che e jere ancje biele parcè che al gutignave, cuntun pôc di aiar, clime di friûl, che no mi displâs mai... e nuie cumò si studie il biel al è che cul aromai podi studiâ contemporaneamenti ducj i esams che o ai... parcè che a son pôcs. Comunque o soi cuasi sigûr di no iscrivimi chest an ae specialistiche, par no paiâ par di bant e parcè che al prossim an dovarès rivâ une altre riforme ... par cui se rivi a finî par Març magari o rivi ancje a scjampâ vie par un pâr di mês... bon e dopo a breve frontarai ancje i mei problemis sentimentâi... ancje se boh... mah.... soio pront? ma lu podi scuvierzi dome provant...

Viers i esams

Vuê o ai studiât un grum. no sul seri, fisiche, e un pôc di C#. Ma, come probabilementri ducj a san, al è il prin no il secont che mi preocupe. Sperin ben. I esams a scomencin ai 19 mi pâr, vie par une setemane, dopo une pausute, e o dovarès rivâ a viodi i RedHotChiliPeppers a Udin (cuant mai tornarano?) e dopo ancjemò un dôs setemanis di dâi sote. Po forsit polse. Chê altre sere o jeri un un dai mei piês moments, no rivavi a fâ nuie, al mancjât pôc par butâmi ju dal barcon. Bon, po al è passât, planc a planc, però no sai, o ai simpri voie di lâ vie, o ai gole di fâmi un biel viaç, i viaç mentâi no son plui vonde, si fevelave di lâ un pâr di diis in Grecie, cuissà. Cumò a cjase a son trê argjentins, amîs di P., tipo un al à la me etât, però lui al è ca, e jo no soi in Argjentine. Un seri al varès di tornâ a studiâ cumò, ma al è ancje sabide, a larai a sparâ cazzadis cui argjentins. o un biel filmut. di lâ si sint chel imprest tipo armonighe, che doprin pal tango, il bandoneon, o larai di lâ, a sintî i tangueros, a gjoldimile cussì. A comunque une setemane a vonde frescje e ploie. No sai cuant che tornarà. Îr di sere i argjentins mi àn fat sercjâ fernet cun coche. al sa di midisine

Finâl di champions

Un cuatri peraulis intant che o spieti che la paste a bulidi... nuie îr di sere si sin viodûts culì la partide, il Milan al à vint, o vin mangjât une pizze fate in cjase, bune, propri bune, po o sin lâts a fâ un zîr in centro, a jere un pôc di int, cualchi tifôs, a sin lâts a bevi un doi cicchetti al College, un, il diablo, tu âs di bevi la robe e tignîle in bocje, po ti la impiin e tu viodis la flamade che sparis cuant che tu siaris la bocje e tu paris ju dut. Figo. Luca al à ancje comedât la telecjamare, cussì o vin zirât un orute di video, sei a cjase, sei lant e tornant dal centro. Al è simpri biel tornâ a sinti lis cazzadis che tu sparis, ce che tu disis, po a mi fotos e videos mi plasin, mi plasarès un mistîr cussì, ancje se pes fotos al è plui dificil, jo comunque o soi neât par disens e robis cussì, tu âs di vê un tic di sens artistic... però un video on the road, suntune machine, mi plasarès fâlu prin e dopo. Pal studi, no mi ven voie par nuie, al è dificilon, o speri simpri tal futûr, ma ca se no mi meti a fâ alc o soi mâl, sigh