Holidays

Za Avost... timp di vancancis... no scrivi plui tant culì, come tantis robis i vûl costance, ma a la fin ancje scrivi alc ogni tant nol è mâl. Soi cjase za di une stemane, e o ai finût i esams ancje prime (il 20). Di chel pont di viste no soi metût benon, 4 fats, doi orâi par setembar, vôts a vonde bas... ma il probleme al è che soi simpri indecîs se cjapâ dut o tornâ a fâju par vignî fûr cun tun vôt decent, ma piardint plui agns... in plui ancjemò no ai decidût se passâ ae gnove riforme (Lauree Magjistrâl), che e à mancul esams (12 invezit che 17, di cui ben 6 a sielte, cumò dome 3). Cjalant su la cjarte a son un grum di vantaçs, ma come simpri (e in Italie chist al vâl di plui), la strada vecja si la cognòs, chê gnove no si sa. Cumò o torni une setemane in Abruç, aromai soi cuasi fis, ma son biei puescj, il mâr al è decent (invezit no sai ma a Grau mi samee simpri piês boh)  e po in Otobar no viodi l'ore di lâ a cjatâ L. in Norvegje. O provarin a viodi se intune setemane si rive a lâ a Nordkaap e tornâ ju cence murî, parcè che bon une volte che tu vâs là sù atu di no lâ fin a Cjâf nord?? Starin a viodi, se dopo rivi a cjatâ ancje cualchi altri viaçut tal forest, o speri che chest sedi un an di viaçs viodût che chei a dan sodisfazion plui di ogni altre robe. Ah, e soi ancje in buine forme, ala fin cuasi 500 km in biciclete, cumò o cognòs ogni paisut pussibil disore Bologne e dutis lis salidis plui bastardis. Mi mancje dome San Luca.

Cence titul

prin di març, e al è il prin post dal 2009... no sai dulà vevi let che un utent si romp i coions di scrivi su Wikipedia dopo 3-4 agns. soi plui o mancul lì ancje cul blog. il fat è che ancje cumò o stoi scrivint parcè che studiâ no ai voie, zuiâ a alc, neancje, par cui pluitost che butâmi sul liet ai dit, scrivin alc... îr mi si à ancje disfat la bici, bon disfate no ma no mi jentrave plui la marce di mieç devant, par cui o il rapuart al jere masse lisêr o masse dûr... però aromai voi su avonde, o ancje fat cualchi partidute di balon, mai stât in forme cussì crodi... pecjât che no ai voia di studiâ, no a je ma je pocje... cence contâ che al è l'incubo riforme-- DM270.... la ultime riforme de universitât, che ca e tache dal an che ven, cuindi no o sin i ultins a becasile in cûl... disi cussì parcè a samee jessi miôr, mancul esams, (12 vs 17) , di cui ben 6 a sielte (cumò a son 3......... e no disi altri)... dome che se tu vuelis passâ al gnûf ordinament, tu âs di pierdi un an, però se chest ti fâs sparagnâ un an dopo? stâ cul vecjo e cognossût o lâ cul gnûf, this is the problem.... e nol è facil. cun di plui il casin pal fat che o ai fat domande pal erasmus, e se voi là, o piardi lezions che no fasaran plui par vie dal cambiament di ordinament, ma sinceramentri soi orientât a sbatimi, voi in erasmus, mi divertissi, lassi un pôc chist paîs dal cazzo e cuant che torni viodarin no podin migo rompimi i coions ancje pes riformis. prime o dopo mi laurerai e al mancul o varai fat une esperience che e fâs curriculum...... po a son 5 agns che tabai di lâ al erasmus se cumò no voi mi cjapin pal cûl ducj ... e sul seri mi covente un change, la citât mi à rot lis balis, il paîs ancje, I need a change, e no soi neancje in USA dulà che al è Obama. Ah o ai fat domande pe Spagne, no sai parcè ma la Spagne mi ispire massse, mi samee di viodi l'Italie fate miôr, e po a la fin in cheste facoltât praticamenti o tu vâs in Spagne o tu vâs in Turchie. e il turc no mi interesse (par caritât biel puest sigûr, ma scjars fin pratic)... starin a viodi... tant nol è migo dit che mi cjoledin, ancje se la medie e je alte (27/1=27 :D)..... post lunc a la fin, la voie a ven scrivint....

-4

4 stupits diis... vuê o ai stampât, cumò mi mancje la presentazion e di cjatâ un puest par lâ a bevi. che e je la robe plui dificile... par fortune prime e je vignude une biele plote che à rinfrescjât cussì no murarai di cjalt. no rivi a crodi... dopo vuê o ai savût che varessi di jessi libar fin ai 13 di otubar figonon, 3 mesuts plui che mertâts disaressi mah fâmi tornâ a viodi Rapture su AllMusic che e je aromai superîor a MTV secont me MTV cjali dome i programs merecans il rest son cagadis la musiche fa schifo e la int mi sta sui coions. ma forsi no soi plui tal lôr target di riferiment

E si continue....

Soi tornât sù, graziis al scont eletorâl, 60%, migo di butâ vie. e in plui cuatri schedis, e cun cuatri crosutis tu podis in teorie cambiâ al mont. o lu cambiavino cun lis bombis?? po ben, cumò dopo dôs setemanis di cazzeggio o ai di tornâ a scomençâ par fâ chiste tesi e finî dut... dut, in realtât chiste. vuê mi à cjapât di gnûf l'ansie, forsit al è parcè che o stoi par finî une robe, e dopo... boh. ogni volte che tu finissis une robe al rive alc di gnûf. il fat al è che no crodi plui tant in ce che o fasi, no un pôc sì, disin al 60%, ma al sta calant. almancul une volte tu cjapavis UNE lauree. cumò dôs. cun setante mîl esams. chiste universitât e fâs schifo. spieli dal paîs probabilmentri. mah. L. nol è a Bologne, o soi di bessôl, un pôc o ciri la companie, forsit parcè che o ai simpri pore di restâ di bessôl, o magari torne fûr la timidece, che o soi rivât a vonde a combatile in chescj ultins agns, ma je simpri lì. no sarai mai un super-espansîf. ma il caratar, come l'aspiet, come dut, no si pues comprâlu te buteghe. beh forsit l'aspiet sì, se tu âs bêçs. sperin che come che an dit chiste sedi une estât frescje. se no varai di patî. post un tic riflessîf-depriment-malinconic-etc. mancje dome la ploie fûr che bat sui barcons. però no sai, ma ogni volte che o torni sù al plôf. o i furlans a son abituâts, o intai ultins agns al plôf di plui. si torne simpri culì. ore di lâ a slofen, come ch'al dîs me nono

Un di mancul

Grazie a ducj pai augûrs a fasin simpri plasê ;-) Vinars o ai fat l'orâl presentant un progjet e ancje se no il progjet al faseve schifo, a mancjavin tocs, no si capive nuie, a vin becât un 26, che cul 29 dal scrit mi à fat scrivi sul libret un biel 28. Pecjât che al jere un dai esams plui facii che mi mancjavin... sperin ben pai altris... la sere sin lâts a bevi alc par festegjâ, cjot in 6 il cjossul di bire di 5 litros al transilvania figo bevi cun lis canucjis... e poi un doi shots al College par finî la serade. che e jere ancje biele parcè che al gutignave, cuntun pôc di aiar, clime di friûl, che no mi displâs mai... e nuie cumò si studie il biel al è che cul aromai podi studiâ contemporaneamenti ducj i esams che o ai... parcè che a son pôcs. Comunque o soi cuasi sigûr di no iscrivimi chest an ae specialistiche, par no paiâ par di bant e parcè che al prossim an dovarès rivâ une altre riforme ... par cui se rivi a finî par Març magari o rivi ancje a scjampâ vie par un pâr di mês... bon e dopo a breve frontarai ancje i mei problemis sentimentâi... ancje se boh... mah.... soio pront? ma lu podi scuvierzi dome provant...

Uff... finût

Vuê ultin esam par cumò. Intun cjalt infernâl, o ai fat l'orâl. O vevi 22 tal scrit, dôs domandis (dimostrazions scritis) la prime perfete, la seconde mi mancjave l'ultin pas, ma instès decente. Risultât: 21. Cheste universitât e je propi un schifo, un tutor, tutôr, deficient, o cemût che lu vuelin clamâ, che ti da un vôt cussì, a voli. Po ben, aromai no mi free nuie, anzi mi à salvât l'estât chest esam. ancje la medie e pues lâ par sô cont, soi straconon. îr o ai regjistrât ricercje operative, altri esam di miarde, un 18, cul professôr che nus à fat spietâ un ore. Po mi dîs: mi dispiace di averle rovinato la media. No comment. Se o ai timp une di chestis zornadis o fasi une biele liste di ducj i esams, cemût che a son lâts, pro memoria futura. Mah. cumò fin a sabide, chill out in bologna, dopo relax in Friûl. Se no ves fisiche di fâ o sarès za laureât. Ma vuê o ai scuviert che laureâmi mi fâs pôre. Parcè? Parcè che no je finude. Dopo o scugni scomençâ la specialistiche. Jo o volarès cjapâmi un pôc di pause, lâ un pâr di mês ator, tipo a Londre, se no ca mi ven l'esauriment nervôs. Ma apene o ai acenât alc ai mei finanziadôrs :p ... za mi àn dit che o ai voie di piardi un an di bant. Che o ai di scomençâ subit. che o ai di provâ. che X a scomençât subit... che Y si sta laureant. Ma io soi strac. Cuasi cuasi o speri di ritardâ la lauree il plui possibil. Il limit massim al è Març: se mi laurei a Març, no podaran migo dimi di scomençâ subit? Boh boh boh super dubis. Îr di sere un bon azado cui argjentins, pecjât che no podevi rilassami masse che vuê o vevi l'esam. prest a tornaran ancje lôr a cjase. Cuissà ce che al vignarà. Un mandi ai blogarins che an comentât cumò ju zonti ca in bande

Futûr

Eh, sì, it's time to think about the future. I'll probably finish the exams on December/January (at least I hope so), but what will I do in the future? After that? I guess I have to continue university, after just three years your degree is useless. But should I start right after, or should I take a break? I vote for the second... in particular I wanna go abroad for a couple of months, maybe in London, find a lil job and ...well... make experience. I'm sincerely fed up with Italy. This could be the right chance... well who knows... I'm used to life last minute style so these are really long-term planes......