Peule

Probabilmentri e je la peraule juste par descrivi lis ultimis dôs zornadis... îr orâl di OR, savevi dut, chel bastart al è lât a tirâ fûr dôs domandis une plui impestade di chê altre, cu la prime mi la soi gjavade, cu la seconde no... Se lavi dôs setemanis al mâr invezit di studiâ al jere miôr, di sigûr no blestemavi a chei livei. Che soi sfigât a voltis lu savevi ma mâl cussì no... po par tirâmi sù lis ai provadis dutis, zuiâ a trivial pursuit (e soi rivât ultim jo che soi campion uficiâl...), PES (e o vin finût la partide in vot, cun trê sconfitis di file), po stamatine o ai ancje pierdût al bus par lâ in stazion e o ai scugnût fâ ugo bassi-stazion corint. Miôr sta cuiets e spietâ che la peule cjaledi di une altre bande.... bon a la fin al gnervôs al reste, soi ancje che o ai di decidi se passâ ae benedete lauree magjistrâl, che lunis a scomencin lis lezions... ce mês di miarde. bon no dal dut, a la fin o ai ancje fat alc altri par fortune, soi lât a viodi i Coldplay a Udin cun A., biele coreografie ancje se no savevi lis cjanzons ;-D, e tra l'altri o ai ancje ospitât cinc amighis di L. che no savevin dulà lâ a durmî, ancje se chest al à volût dî fâsi un biel udin-grau dopo dal concert... soi lât un pâr di voltis in bici ancje se o ai za pierdût la forme, soi lât a viodi i Sud Sound System, biel fûr pal vin che mi soi stronfât intor ... si podarès ancje salvâ il mês ae fin.... ancje Avost, ben la prime metât, cun vacancis in Abruç e pe prime volte ancje in Molise (Molîs?), aka la regione che non esiste. Biei puescj, nature di gjoldi, paisuts su pai monts come une volte... un pôc come lis Marchis, ma doi secui fa. Biele ancje la cueste, mi à sorprindût Termoli (e ancje Vasto al merte une visite, e no dome ae Marine famose pai locâi :P). Bon par tignimi sù il morâl par fortune o larai di sigûr in Norvegje a cjatâ L. a metât Otobar e po a Novembar crodi ancje a Valencia... viva (la vida)

Vilie dal ultin dal an

al è un grum che no scrivi, no sai, se al è parcè che no mi ven voie o parcè che nol sucêt nuie o parcè che al è cussì e bon... o ai scomençât cui gnûfs cors, e fat ancje un esam, 27, al jere a vonde facil ma al è simpri un di mancul...cumò sperin di fâ ancjemò un a zenâr... po il tierç mi lu tigni di fâ cun calme.. il probleme al è che cumò cuasi ogni esam al il so progjet e progjet = piardi une vore di timp = no tu rivis a stâi daûr. i argoments a son plui interessants ma al è un casin instes... bohh.... cu la cjase cumò mi soi apene sistemât e stoi za pensant che a setembar se mi cjapin pal erasmus o ai di molâ dut e partî... però se un no si môf cumò no si môf plui, se soi scjinfon cumò, tra dîs agns al sarà di sigûr piês... però o ai di lâ parcè che ancje se vie no fasarai tancj esams e je la esperience che conte... e poi o speri simpri di podê restâ .... viodin intant i puescj che o meti, a son 2 pussibii mi pâr, mi sta tentant la Spagne, ancje percè che la medie atuâl e je alte (27 diviso 1 = 27!) però ai di pensâi su.... doman al finìs ancje il 2008, ae fin un an a vonde bon, alti e bassi, come che mi à dit il prof al esam, ma soi lât in Olande, mi soi laureât, mi soi divertût, podeve lâ piês. O speravi doman di sere di fâ fieste cuntune persone, ma no podarà vignî. E soi avilît di une bande e content di chê altre... cuasi plui content, e chist al è un brut segno... po ben, last minute, New Year's Eve in Bologna, a saran un pôcs di amîs, i bevarai sù par dismenteâ... vonde seis mentâls par chist an

Amsterdam, here I come

Post di corse, parcè che o soi in partence... doman di sere o partissi pe Olande, par fâ l'ultin cun L. e un pôcs di siei amîs... sin in 7 in dut... o crodi che sarà divertent, ancje se un tic di mats, cuasi 20 oris in autobus. Ma miôr l'autobus dai maledets trenos. di sigûr al sarà alc di diviers. mi àn pene ativât l'ADSL, ancje ca in Friûl, robis di n crodi, o vin vût di spietâ dome il 2008... però al samee lâ ben. pecjât che o ai di lâ vie e no podi configurâlu cemût che o vuei, ma lu fasarai dopo dal 3. Ah intant o ai passât un esam, il plui facil e biel di chei che mi restavin... cuntun bon 30! -2 cumò... ancje se a son vignûts fûr altris casins, scrivarai alc prossimamentri.... bon par intant bon nadâl in ritart e bon 2008 in anticip a ducj cuancj :D
Mandi

Un di mancul

Grazie a ducj pai augûrs a fasin simpri plasê ;-) Vinars o ai fat l'orâl presentant un progjet e ancje se no il progjet al faseve schifo, a mancjavin tocs, no si capive nuie, a vin becât un 26, che cul 29 dal scrit mi à fat scrivi sul libret un biel 28. Pecjât che al jere un dai esams plui facii che mi mancjavin... sperin ben pai altris... la sere sin lâts a bevi alc par festegjâ, cjot in 6 il cjossul di bire di 5 litros al transilvania figo bevi cun lis canucjis... e poi un doi shots al College par finî la serade. che e jere ancje biele parcè che al gutignave, cuntun pôc di aiar, clime di friûl, che no mi displâs mai... e nuie cumò si studie il biel al è che cul aromai podi studiâ contemporaneamenti ducj i esams che o ai... parcè che a son pôcs. Comunque o soi cuasi sigûr di no iscrivimi chest an ae specialistiche, par no paiâ par di bant e parcè che al prossim an dovarès rivâ une altre riforme ... par cui se rivi a finî par Març magari o rivi ancje a scjampâ vie par un pâr di mês... bon e dopo a breve frontarai ancje i mei problemis sentimentâi... ancje se boh... mah.... soio pront? ma lu podi scuvierzi dome provant...

Sigh

Sigh, seât ancje chiste volte... maledete fisiche, al è aromai un incubo, soi lât ancje a la corezion, mi à dât sbaliât ancje un disen copiât compagn dal libri! E dopo ti cjapin ancje pal cûl, tipo ti disin che si à di scrivi ben par talian, che i students no san plui scrivi, che se tu sês un inzegnîr e tu âs di dî ae int ce robis fa tu âs di savê il talian. Pronto? Ch'a mi scusi? Che int ca aial mai sintût ce talian che si fevele normalmentri? se un al fevele cemût che ti insegnin a scuele, come minimo di Bologne in ju ti ridin daûr. E forsit ancje di Bologne in sù. Int fûr dal mont. Ma a decidin lôr. Depression massime. Cumò no à nuie di fâ e mi sinti inutil, un coion, si al è facil pensâ bon al larà la prossime volte, ma tropis voltis lu ai za dit. cumò al ere il moment just. ce nervôssss .... universitât inutil.... mi soi dovût cirî alc di depriment di scoltâ, mi soi sintût sôl come un cjan. forsit varessi di metimi a cirî altris rapuarts. i computer a son biei, ma ti isolin un grum. chiste estât, a sta un pôc cence zuiâ, cence navigâ, a cazzeggiâ e vonde, beh nol è stât mâl. che o sedi un tecno-dipendent? Boh. e je ancje vere che e je tante int piês di me...

Slip inside the eye of your mind
Don't you know you might find
A better place to play
You said that you'd never been
But all the things that you've seen
Will slowly fade away

So I start a revolution from my bed
'Cause you said the brains I had went to my head
Step outside the summertime's in bloom
Stand up beside the fireplace
Take that look from off your face
You ain't ever gonna burn my heart out

And so Sally can wait, she knows it's too late as we're walking on by
Her soul slides away, but don't look back in anger
I heard you say

Take me to the place where you go
Where nobody knows, if it's night or day.
Please don't put your life in the hands
Of a Rock 'n Roll band
Who'll throw it all away

I'm gonna start the revolution from my bed
'Cos you said the brains I had went to my head
Step outside cos summertime's in bloom
Stand up beside the fireplace
Take that look from off your face
Cos you ain't ever gonna burn my heart out

And So Sally can wait, she knows it's too late as she's walking on by.
My soul slides away, but don't look back in anger
I heard you say

So Sally can wait, she knows it's too late as we're walking on by
Her soul slides away, but don't look back in anger
I heard you say

And So Sally can wait, she knows it's too late and she's walking on by
My soul slides away, but don't look back in anger, don't look back in anger
I heard you say

At least not today.

Plui di un mês

Eh sì, plui di un mês...cul fat di vê dome il 56k no ven voie di fâ nuie. al è un suplizi. bon, soi stât a Barcelone, biel, bielone, ma si sa che jo soi esterofil. Forsit varessi di lâ in cualchi citât plui puare, cussì di fâmi plasê ches talianis. Ma par esempli in Spagne, a son indevant su dut. E trente agns fa a jerin a zero. E la int si gjolt la vite, no come ca ducj impegnâts a cori. Po a Barcelone tu viodis che a son architets decents no come ca che a fasin une robe cussì che altre divierse, cence un minimo di idee daûr... e dal pont di viste economic?? Parcè l'IVA e je al 7% e culì al 20%???? trê voltis tant di bêçs al stât... incredibil...po ben... intant o ai tornât a scomençâ. vuê o ai fat une altre volte il scrit di fisiche, ma samee lât ben. sperin. lunis si san i risultâts. siarin cuntune foto significative

Uff... finût

Vuê ultin esam par cumò. Intun cjalt infernâl, o ai fat l'orâl. O vevi 22 tal scrit, dôs domandis (dimostrazions scritis) la prime perfete, la seconde mi mancjave l'ultin pas, ma instès decente. Risultât: 21. Cheste universitât e je propi un schifo, un tutor, tutôr, deficient, o cemût che lu vuelin clamâ, che ti da un vôt cussì, a voli. Po ben, aromai no mi free nuie, anzi mi à salvât l'estât chest esam. ancje la medie e pues lâ par sô cont, soi straconon. îr o ai regjistrât ricercje operative, altri esam di miarde, un 18, cul professôr che nus à fat spietâ un ore. Po mi dîs: mi dispiace di averle rovinato la media. No comment. Se o ai timp une di chestis zornadis o fasi une biele liste di ducj i esams, cemût che a son lâts, pro memoria futura. Mah. cumò fin a sabide, chill out in bologna, dopo relax in Friûl. Se no ves fisiche di fâ o sarès za laureât. Ma vuê o ai scuviert che laureâmi mi fâs pôre. Parcè? Parcè che no je finude. Dopo o scugni scomençâ la specialistiche. Jo o volarès cjapâmi un pôc di pause, lâ un pâr di mês ator, tipo a Londre, se no ca mi ven l'esauriment nervôs. Ma apene o ai acenât alc ai mei finanziadôrs :p ... za mi àn dit che o ai voie di piardi un an di bant. Che o ai di scomençâ subit. che o ai di provâ. che X a scomençât subit... che Y si sta laureant. Ma io soi strac. Cuasi cuasi o speri di ritardâ la lauree il plui possibil. Il limit massim al è Març: se mi laurei a Març, no podaran migo dimi di scomençâ subit? Boh boh boh super dubis. Îr di sere un bon azado cui argjentins, pecjât che no podevi rilassami masse che vuê o vevi l'esam. prest a tornaran ancje lôr a cjase. Cuissà ce che al vignarà. Un mandi ai blogarins che an comentât cumò ju zonti ca in bande