-17

17 zornadis... soi tornât a Bologne, ancje se podevi stâ ancjemò un pôc in Friûl. a la fin ca nol è masse cjalt, po soi vignût jù in machine, par cui amen. po ca podi fa cualchi zîr in bici o miôr mountain bike... sì mi sta cjapant chê malatie... bon mi à simpri plasût, però sù, a part che e je planure, a part che o cognossi dutis lis stradis di cjamp, a part che no ai e no ai in pratiche mai vût une biciclete decente, po ben ca invezit tu âs salidis di dutis lis sortis a puartade di gjambis e lis salidis a dan plui gust e tu consumis ancje plui caloriis che nol è mal! Cumò varai di cjoli une bici di sest, stoi lant a scroc però cuntune bici gnove tu vâs sù miôr... me mari mi dîs che mi sta vignint cumò dute la voie di fâ che no vevi di frut. fortune che sin ancjemo in timp :-D
doman viodi se finissi introduzion e conclusion de tesi, dopo stampe, presentazion, esposizion, vacancis e fanculo al mont par un doi mesuts; magari ancje un mesut cence computer. stoi ancje cirint cjase ma no si cjate une come chês che nus covente. mah starin a viodi
ciart che se finivi come previst a jugn a chê ore ca o podevi jessi za a fâ nuie, o magari sù al Rototom che soi stât dome une sere un trê agns fa e o varai di tornâ prime o dopo, ancje se la universitât e romp simpri i coions in chest periodo...

back to normal life

Magari podê viazâ simpri...la vacance e je lade ben, si sin divertûts a vonde, o vin viodût un pâr di biei puescj e di biele int... uniche roture, il viaç (21 oris par lâ, no finive plui, po jo che soi alt no stavi dentri, mi tocjave stâ mieç sul sedîl e mieç tal coredôr e mi soi disfat i zenoi... e disevin ancje che al jere un autobus gran turismo) e l'albergo che al jere di lus super lus però fûr, plui in là dal areopuart e i traspuarts a jerin chei che jerin... l'ultime zornade sin stâs fêrs ancje un vincj minûts par un defekt, o alc dal gjenar, l'olandês al reste un casin secont me, però di 7, o jeri come simpri il tradutôr, parcè che mi plâs fâlu e sai l'inglês. Però ancje in autobus si sin fats un cuatri ridadis, dongje di me si son sintâts doi propi di ridi, doi umbros, di sbacanâsi. E po là, l'Olande e je la tiere de libertâts, ducj a varessin di fâ un salt là, a viodi un paîs dulà che si divertissin ma cence fâ (masse) casin. Ancje se a tiravin un grum di bots, mai sintûts tancj. Amsterdam e samee par tantis robis une citât mediteranee. E la sere dal ultin (anzi la matine dal prin, erin lis 7...) cuant che si tornâts tal hotel, e jere une fumatone come a Rovigo! Su lis televisions internazionâls, a fevelavin di Italie par la vendite de Alitalie e ogni tant pes scovacis... bielis figuris. Ah, e mi soi viodût la finâl dal campionât mondiâl di frecetis, robis seris, cun public e biei bêçs par cui ch'al vinç. Bon, cuant che rivi viodi di meti ancje cualchi foto, ancje se no lis ai fatis jo. Al è ancje un biel video, ma al à di restâ top secret ;-)
Bon, tornât, e son scomençâts i casins, mi mancjin 2 esams, ma di fisiche no mi met l'apel in zenâr... risultât: mandi ae idee di laureâsi a Març, sperin in Jugn/Lui, intant paiarai un altri an di tassis, e dut parcè che chist al è un cesso di paîs... e ancje parcè che jo o soi sfigât. Cumò stoi viodint di une tesi, e no si cjate in zîr nuie che mi interessedi. Chist parcè che i professôrs ti fasin fâ ce che dovaressin fâ lor, ancje se a son cazzadis che no ti coventaran a nuie inte vite, o sul lavôr. Sì soi a vonde incazât. Cualchidun al podarà visâsi di chel film inutil cul slogan: Non ti laureare, continua a cazzeggiare ma insome, mi soi za rot i co**ns jo, o varès ancje voie di concludi. Ancje parcè che al conte dome il toc di cjarte, come abilitâts, tu sâs pôc e nuie cuant che tu vegnis fûr di une universitât taliane.
P.S Dree, tu mi âs becât. Bon, cumò che o soi par fuarce libar, combinin ancje chel, pal 15 mi sa che al è tart, al sarà pal mês dopo, cussì tu podis publicâ par Març. Març al è un biel mês par fâ anuncis :-D

Mâr di setembar

Dato che al jere biel timp, fin a îr, cjalt, soreli, mi à vignût sù martars di lâ a fâ un salt a Rimini. Rimini parcè che e je la prime stazion sul mâr di ca, no par altri. Se varès il mâr dongje, Bologne sarès cuasi perfet. Invezit, cul treno, une orute e mieze. Po ben, jeri stât là dome une volte, no je mâl, si stave benon distirâts sul savalon, cun la buerute. E la int e jere pocje. A mi mi da a vonde fastidi cuant che tu vâs al mâr e al è plen di int di no passâ neancje. Lì invezit tu podis fermâti e pensâ. Grandis riflessions :-D Dopo mi soi ancje fat un zirut tal centro di Rimini. Ah, cuant che o soi rivât mi soi cuasi pierdût. No son bogns neancje di meti un cartel "Mare" just. O disi simpri che al è simpri miôr lâ a intuit/a câs pluitost che seguî i cartei e incazâsi. Maledets cartei. Però il mâr di setembar al è bielon. mi plâs masse. scomençât lis lezions chiste setemane. îr sin lâts tal parc, al jere ancjemò masse cjalt par stâ dentri. par fortune che e je rivade la ploie e un pôc di fresc, cussì di vuê al varès di vignî voie di studiâ... sperin

ah, pe fotos, mi plâs fâlis, tant, simpri plui. però no ai une machine fotografiche. par cui o ai di doprâ chês che cjati ator, e contentami. in realtât ormai no costin nuie. al è dome di decidi di comprâle. forsi pal complean. intant o meti cheste foto, nuie panorame, ma par dimostrâ che coventave une mountain bike. o une bici decent. e che i baràs (cemût si scrivarial?? baraçs??) a son ancje culìp.s. graziis giulia, chistis robis a fasin simpri plasê

Biciclete

Doi dîs di biciclete, dopo che le ai comedade (o miôr le ai fate comedâ di un ami)... îr Colle dell'osservanza, salite serie, no cazadis, tant che soi lât su a pît ;-D E parsore un panorame bielisim, cun un pâr di vilis. Robis di dî Wow, ce figade. Cuant che tu âs la cjase lassù, tu sês rivât, o crodi. Ancje se po tu âs di scomençâ a preocupâti di guardiis e portons. Vuê invezit Parc Talon, grandon, e cuntune segnaletiche fate a cazzo. Cartel: Passerella sul Reno, 0,2 km. Cartel dopo: Passerella sul Reno, 0,8 km. Chel dopo, sparît. risultât si sin piardûts. E dopo vin cjapât un troiut su la culine, bielonon, pecjât che al à scomençât a plovi. Slavâts di brut. Pazience. Si sin divertûts.
E prime un nervôs: la RAI à i dirits dal basket dai Europeos, va fûr l'Italie e oviamenti no mostre plui nuie. La finâl neancje su Rai Sport Sat. Bêçs butâts come par tantis altris robis in Italie

Second round: cussì cussì

Cun vue o ai finut l'apel di març/avril, e al à fin il belanç al è cussì cussì, un esam e mieç, eletroniche, bon parcè che al è un esam che al romp i coions, ancje se al samee facil e vue o ai fat il test di inzegnerie dal software, che al val pal oral, no indispensabil ma mior velu fat, simpri alc di mancul. Però, chel maledet comunicazions, o soi stat a studià ancje il di di Pasche e nuie, scrit laat mal e duncje al è come ve studiat dut par nuie. ce nervos. l'oral savevi un biel poc, ma mi à capitat un scrit compagn di chel di març, a jerin doi compits, A e B, il B lu savevi fa ma mi è vignut fur A. Paziense, ce atu di fai. Chest al slungjarà i timps, o crodi. Sperin di rivà par Març. Vue o stavin viodint cun Lu di fa un viazut, o par l'ultin dal an, o prime, un nol pol neancje nolegjà une machine se nol à almancul 25 agns, al è scandalos (no in realtat ti fasin paià il suplement, bastarts). Mah. Culì cjalt. Cjaldon. No olsi imagjinà lui/avost. Prime o soi lat su la moto di Perro, fin tal Carrefour, a cjoli un poc di robis (e ancje parcè che o vevi di scjariami dopo dal test di Ing dal SW). Honda CBR. corusse. però no mi dave tante sigurece, boh, no mi sameave tant sigur a guidà, cul cambi, cun dut. Forsit mi à za passat chel des dos ravuedis. Però cuant che tu sintis l'aiar inte muse ti samee di jessi in Paradis. Forsit varessi di comprami un spiderut. Fiat Barchetta. No crodi la fasedin neancje plui. Ir ancje batisim di Sim. Une biele zornade, mangjat come pursits, e dut cussì. Bon, cumò a son lis 1.43. O ai ancjemò di fa un casin di robis. doman o ai di tornà su, par rilassami un par di zornadis, che lunis a scomensin lis lezions, e si tache dut di gnuf. E di colp no mi van neancje plui lis letaris furlanis, par chel o scrivi cussì a cazzo. sperin che i trenos no mi fasedin scherçs, ma i crodi poc.

First round: dut mâl

Beh, fin cumò o vevi di provâ 3 esams (bon, un complet e doi mieç esams) e son lâts ducj mâl... bad bad luck e cussì mi tocjarà passâ ancje Pasche a studiâ... cuissà se la prossime Pasche e sarà plui cuiete... un al spere simpri. Mi displâs soredut par chel complet, che al è un biel pôc di studiâ... comunicazions eletrichis di **************. Îr di sere, za che o vevi la machine, par smaltî la delusion, o ai cjapât sù cun luca e sin lâts prime ca parsore, san luche e sù fin a Sasso Marconi... poi drets fin a Vignola. a son biei puescj, ducj un tic ondulâts, e cjiscjei glesiis e palaçs medievâi par dut. E dut a pôcs chilometris, no plui che lâ su a Udin. Mi plasin masse i colli. Vêju lì a doi pas, salvadis, ma ben tignûts. Biel. Ah al è tornât il frêt comunque

Cueis, e seradis

O soi stât sabide a fâ un zîr su pai colli bolognesi. plui di 2 agns culì e no eri mai stât, une vergogne... Puescj veramentri biei, dopo a jerin ducj i colôrs sul ros e l'arançon, cun bielis viodudis sul bas. Al è incredibil come a pôçs chilometris di une grande citâts tu cjatis zonis cussì salvadis e bielis. E po chê altre sere che soi lât a sintî sunâ il me compagn di cjase. Al sune il liron. Il gjenar no mi plâs, ma al jere dome par fâ alc. Dopo sin lâts a cjase di chê sô amie e bon. Al è simpri divertent fâsi une serade cussì ogni tant. Bon cumò chestis dôs setemanis o ai di studiâ come un ludro parcè che i esams a son dongje. E dut al torne a scomençâ come une volte. Sigh