divendres, de desembre 28, 2007

Amsterdam, here I come


Post di corse, parcè che o soi in partence... doman di sere o partissi pe Olande, par fâ l'ultin cun L. e un pôcs di siei amîs... sin in 7 in dut... o crodi che sarà divertent, ancje se un tic di mats, cuasi 20 oris in autobus. Ma miôr l'autobus dai maledets trenos. di sigûr al sarà alc di diviers. mi àn pene ativât l'ADSL, ancje ca in Friûl, robis di n crodi, o vin vût di spietâ dome il 2008... però al samee lâ ben. pecjât che o ai di lâ vie e no podi configurâlu cemût che o vuei, ma lu fasarai dopo dal 3. Ah intant o ai passât un esam, il plui facil e biel di chei che mi restavin... cuntun bon 30! -2 cumò... ancje se a son vignûts fûr altris casins, scrivarai alc prossimamentri.... bon par intant bon nadâl in ritart e bon 2008 in anticip a ducj cuancj :D
Mandi

dimecres, de novembre 14, 2007

Su e jù

Soi tornât sù par ben doi weekends di file, chel altri, di miercus fin a domenie, al jere puint, e tal me paîs e jere sagre... ae fin o soi lât a dâ une man, cui parchegjos e robis cussì, e ancje di tradutôr par un vecjo amì, che a jerin lì dôs amighis polachis, che fevelavin a vonde ben inglês (e une e jere ancje biele...) . No sai dulà che o ai let che tipo il 42% dai talian al sa fevelâ par inglês... boh, secont me a son di mancul. E ancje te universitât boh... sin metûts mâl, o ai di meti prime o dopo cualchi test di Fabri Fibra. Al fâs il coion, però al è l'unic che disedi lis robis cemût che son, parcè che son inte musiche taliane ti disin simpri chês cuatri cagadis, descrivint un mont ideâl... bon insome mi soi divertût, o ai bevût vin bon, e viodût int che no viodevi di timp. Al jere un pâr di agns che no gjoldevi cussì la sagre... o stoi invecjant. Biei timps cuant che si lave sui autoscontros... po la setemane passade soi tornât sù sabide di matine, parcè che o vevi di lâ a une fieste di lauree e tornâ a viodi chei de superiôrs... po la fieste e jere tacade di me, no che no mi ledi di vuidâ, ma se no magari a fasevin storiis pe machine, e vie indevant. Pal rest, tra un mesuts esams, o stoi lant a studiâ in biblioteche, se no no cumbini nuie, sperin ben, e stoi cirint di fâ ancje i doi progjets... îr al jere sul gjornâl, puest di call center a Dublin, 1600 euro lords (boh, no sai cemût che si dîs par furlan....), a son un grum di bêçs, in Italie za arivâ a 1000.... Ireland dreaming.... sperin prest.... par l'ultin dal an, se rivin a cumbinâ alc, a nin a Amsterdam, autobus, robis di mats, soi sigûr, ma ai dit, o fruts, o vin 20 agns, tu lu fasis cumò o mai plui. Viodarìn. Nuie di gnûf sul front sentimentâl.....

dimarts, d’octubre 23, 2007

Un di mancul

Grazie a ducj pai augûrs a fasin simpri plasê ;-) Vinars o ai fat l'orâl presentant un progjet e ancje se no il progjet al faseve schifo, a mancjavin tocs, no si capive nuie, a vin becât un 26, che cul 29 dal scrit mi à fat scrivi sul libret un biel 28. Pecjât che al jere un dai esams plui facii che mi mancjavin... sperin ben pai altris... la sere sin lâts a bevi alc par festegjâ, cjot in 6 il cjossul di bire di 5 litros al transilvania figo bevi cun lis canucjis... e poi un doi shots al College par finî la serade. che e jere ancje biele parcè che al gutignave, cuntun pôc di aiar, clime di friûl, che no mi displâs mai... e nuie cumò si studie il biel al è che cul aromai podi studiâ contemporaneamenti ducj i esams che o ai... parcè che a son pôcs. Comunque o soi cuasi sigûr di no iscrivimi chest an ae specialistiche, par no paiâ par di bant e parcè che al prossim an dovarès rivâ une altre riforme ... par cui se rivi a finî par Març magari o rivi ancje a scjampâ vie par un pâr di mês... bon e dopo a breve frontarai ancje i mei problemis sentimentâi... ancje se boh... mah.... soio pront? ma lu podi scuvierzi dome provant...

diumenge, d’octubre 14, 2007

22

Yau, 22. E soi rivât fin ca, a vonde ben. Al è un travuart no... doi numars compagns... :D Vevi di metimi a studiâ vuê dopodimisdì ma o ai rinunciât... a gustâ o sin lâts cun mê sûr e i mei e L. fûr in campagne a mangiâ, e o soi propi plen. îr di sere, metût sù une cenute ca, un 15 personis (capienza max, za cussì, si sta strets in coredôr e no son cjadreis...) bis di prins, salate, crostate, bire, vin (un verduç from FrIuL, il verduç al è masse bon fruts) e altris robis che ca tocje censurâ, parcè che l'iTaglie al è il paîs che al è, par cui une miarde (rispiet par le forze dell'ordine, ma se fasessin alc di seri invezit di pierdi timp a cori daûr ai zovins...). Bon insome mi soi rilassât, divertût, sintût a vonde ben, la solitudin e je a vonde lade vie. Bon, o ai spindût un pôc, però a son stâts bêçs ben spindûts....po sin lâts indevant fin das 5 a zuiâ di Monopoli, cence cjalâ l'orloi al sucêt. po ben, pecjât che vuê o ai vût di sveâmi das 10, cinc oris scjarsis di sun, difati cumò soi distrut. chê dal plan di sot e je rivade a rompi lis balis ae mieze... 00.30... sabide di sere... ce varessio di dî jo cuant che a tegnin simpri la television a un volum che mi sinti i films de me cjamare o des scjalis fûr... uff... mi àn regalât un balon di rugby par fâ cazzadis tal parc, e un pâr di cufis cun microfon, che se no vevi simpri di freâlis a cualchidun ;-) come augûrs a son rivâts plui o mancul chei che o spietavi, il prin, bon al è stât di A. Uff, o ai di cjatâ il moment just. Dopo magari mi tocjerà passâ e censurâ il blog par evitâ figuris di miarde, ma lu fasaressi vulintîr. Frêt cumò fûr, ma vuê e jere une zornade bielone. Trê mil erôrs, bah soi scazzât. o ai ancje scrit un casin...

dilluns, d’octubre 08, 2007

Bologna is on fire

No, par fente, no sta brusant nuie, però plui passe il timp e plui mi acuarzi che chiste citât e je particolâr... manifestazions, bancuts in place, musiche a dut volum a ogni ore. simpri un casin pardut. ducj cuintri dal sindic, e cumò ancje jo che mi à metût i parchegjos a paiament sot cjase, e cumò, se mi capite di vê la machine, soi finût mi tocje paiâ un casin a chei bastarts dal comun... jo no sai ma cun ducj chei bêçs che si bechin cun li multis a varessin di piastrelâmi il puartin sot di cjase me di marmul..... Fin setemane, stât sù, partît joibe, che al jere il patron ca, e cuindi puint... partî une zornade prime al è dut un altri mont... varessi di fâlu plui spes... sabide di sere une biele fieste di vecjos, cun ancje une persone a cui soi interessât... ma no soi ancjemò rivât a digjilu... maledete timidise... sperin di rivâ prest.... domenie po une biele mangiade di pes, che paiave la none pal complean. E ancje il me al è dongje.... domenie o sarai plui vecjo... ben vincjedoi. i vincj a son simpri plui lontans... bon l'important al è gjoldi enjoy o carpe diem ... par Giulia, che mi dîs di cemût che fasi a sta lontan, pur jessint leât al Friûl... boh... mi soi acuart di jessi leât al friûl cuant che soi partît, come ducj i emigrants. cuant che viodis ogni stupit dì la buere, o la ploiute, o la fumate, nol è che ti samein robonis. ma po tu vâs vie, e ti scomencin a mancjâ, a viodi che dulà che tu sês no son, che la int e je divierse e fevele un talian che no si capis nuie. Par me, ducj varessi di lâ un an o ju di lì vie di cjase. tu impararessis tant, e forsit ancje ti judarès a capî cui che o sin... bon a la fin soi finût su argoments depriments ... pazience

dijous, de setembre 27, 2007

Mâr di setembar

Dato che al jere biel timp, fin a îr, cjalt, soreli, mi à vignût sù martars di lâ a fâ un salt a Rimini. Rimini parcè che e je la prime stazion sul mâr di ca, no par altri. Se varès il mâr dongje, Bologne sarès cuasi perfet. Invezit, cul treno, une orute e mieze. Po ben, jeri stât là dome une volte, no je mâl, si stave benon distirâts sul savalon, cun la buerute. E la int e jere pocje. A mi mi da a vonde fastidi cuant che tu vâs al mâr e al è plen di int di no passâ neancje. Lì invezit tu podis fermâti e pensâ. Grandis riflessions :-D Dopo mi soi ancje fat un zirut tal centro di Rimini. Ah, cuant che o soi rivât mi soi cuasi pierdût. No son bogns neancje di meti un cartel "Mare" just. O disi simpri che al è simpri miôr lâ a intuit/a câs pluitost che seguî i cartei e incazâsi. Maledets cartei. Però il mâr di setembar al è bielon. mi plâs masse. scomençât lis lezions chiste setemane. îr sin lâts tal parc, al jere ancjemò masse cjalt par stâ dentri. par fortune che e je rivade la ploie e un pôc di fresc, cussì di vuê al varès di vignî voie di studiâ... sperin

dijous, de setembre 20, 2007

ah, pe fotos, mi plâs fâlis, tant, simpri plui. però no ai une machine fotografiche. par cui o ai di doprâ chês che cjati ator, e contentami. in realtât ormai no costin nuie. al è dome di decidi di comprâle. forsi pal complean. intant o meti cheste foto, nuie panorame, ma par dimostrâ che coventave une mountain bike. o une bici decent. e che i baràs (cemût si scrivarial?? baraçs??) a son ancje culìp.s. graziis giulia, chistis robis a fasin simpri plasê

Sigh

Sigh, seât ancje chiste volte... maledete fisiche, al è aromai un incubo, soi lât ancje a la corezion, mi à dât sbaliât ancje un disen copiât compagn dal libri! E dopo ti cjapin ancje pal cûl, tipo ti disin che si à di scrivi ben par talian, che i students no san plui scrivi, che se tu sês un inzegnîr e tu âs di dî ae int ce robis fa tu âs di savê il talian. Pronto? Ch'a mi scusi? Che int ca aial mai sintût ce talian che si fevele normalmentri? se un al fevele cemût che ti insegnin a scuele, come minimo di Bologne in ju ti ridin daûr. E forsit ancje di Bologne in sù. Int fûr dal mont. Ma a decidin lôr. Depression massime. Cumò no à nuie di fâ e mi sinti inutil, un coion, si al è facil pensâ bon al larà la prossime volte, ma tropis voltis lu ai za dit. cumò al ere il moment just. ce nervôssss .... universitât inutil.... mi soi dovût cirî alc di depriment di scoltâ, mi soi sintût sôl come un cjan. forsit varessi di metimi a cirî altris rapuarts. i computer a son biei, ma ti isolin un grum. chiste estât, a sta un pôc cence zuiâ, cence navigâ, a cazzeggiâ e vonde, beh nol è stât mâl. che o sedi un tecno-dipendent? Boh. e je ancje vere che e je tante int piês di me...

Slip inside the eye of your mind
Don't you know you might find
A better place to play
You said that you'd never been
But all the things that you've seen
Will slowly fade away

So I start a revolution from my bed
'Cause you said the brains I had went to my head
Step outside the summertime's in bloom
Stand up beside the fireplace
Take that look from off your face
You ain't ever gonna burn my heart out

And so Sally can wait, she knows it's too late as we're walking on by
Her soul slides away, but don't look back in anger
I heard you say

Take me to the place where you go
Where nobody knows, if it's night or day.
Please don't put your life in the hands
Of a Rock 'n Roll band
Who'll throw it all away

I'm gonna start the revolution from my bed
'Cos you said the brains I had went to my head
Step outside cos summertime's in bloom
Stand up beside the fireplace
Take that look from off your face
Cos you ain't ever gonna burn my heart out

And So Sally can wait, she knows it's too late as she's walking on by.
My soul slides away, but don't look back in anger
I heard you say

So Sally can wait, she knows it's too late as we're walking on by
Her soul slides away, but don't look back in anger
I heard you say

And So Sally can wait, she knows it's too late and she's walking on by
My soul slides away, but don't look back in anger, don't look back in anger
I heard you say

At least not today.

diumenge, de setembre 16, 2007

Biciclete

Doi dîs di biciclete, dopo che le ai comedade (o miôr le ai fate comedâ di un ami)... îr Colle dell'osservanza, salite serie, no cazadis, tant che soi lât su a pît ;-D E parsore un panorame bielisim, cun un pâr di vilis. Robis di dî Wow, ce figade. Cuant che tu âs la cjase lassù, tu sês rivât, o crodi. Ancje se po tu âs di scomençâ a preocupâti di guardiis e portons. Vuê invezit Parc Talon, grandon, e cuntune segnaletiche fate a cazzo. Cartel: Passerella sul Reno, 0,2 km. Cartel dopo: Passerella sul Reno, 0,8 km. Chel dopo, sparît. risultât si sin piardûts. E dopo vin cjapât un troiut su la culine, bielonon, pecjât che al à scomençât a plovi. Slavâts di brut. Pazience. Si sin divertûts.
E prime un nervôs: la RAI à i dirits dal basket dai Europeos, va fûr l'Italie e oviamenti no mostre plui nuie. La finâl neancje su Rai Sport Sat. Bêçs butâts come par tantis altris robis in Italie

dijous, de setembre 13, 2007

Plui di un mês

Eh sì, plui di un mês...cul fat di vê dome il 56k no ven voie di fâ nuie. al è un suplizi. bon, soi stât a Barcelone, biel, bielone, ma si sa che jo soi esterofil. Forsit varessi di lâ in cualchi citât plui puare, cussì di fâmi plasê ches talianis. Ma par esempli in Spagne, a son indevant su dut. E trente agns fa a jerin a zero. E la int si gjolt la vite, no come ca ducj impegnâts a cori. Po a Barcelone tu viodis che a son architets decents no come ca che a fasin une robe cussì che altre divierse, cence un minimo di idee daûr... e dal pont di viste economic?? Parcè l'IVA e je al 7% e culì al 20%???? trê voltis tant di bêçs al stât... incredibil...po ben... intant o ai tornât a scomençâ. vuê o ai fat une altre volte il scrit di fisiche, ma samee lât ben. sperin. lunis si san i risultâts. siarin cuntune foto significative

dijous, d’agost 09, 2007

feriis

Bon, soi in Friûl a rilassâmi un pôc dopo chest an dificil, fin ae fin di cheste setemane no fasi propi nuie. di lunis o vuei scomençâ a cjapâ sù alc, parcè che o varès di lâ un pôc ator tes prossimis setemanis (marchis/umbrie forsi e barcelone sigûr)... ca al è il bon vecjo 56k, cussì mi passe ancje la voie di navigâ che al è miôr cussi lei, zuie di basket, lâ un zîr a Grau (soi ancje avonde abronzât, dopo agns), etc, dutis chês robis che no si rive a fâ vie pal an. Al è cjalt ma no impussibil. Po cumò o ai ancje il nevotut culì, al è vivonon, ca di un pôc al scomence a cjaminâ e alore saran problemis. Però al è divertent. La robe che mi plâs fâ e je ancje cjalâ TeleCapodistria. E je une robe che mi mancje a Bologne, cul sport e lis notiziis alternativis. Chê altre dî o ai metût un pôc su un canâl sloven, di sere, e davin un film in lenghe origjinâl, cun sot titui in sloven, biel, e soredut, la publicitât là a durave si e no un minût. in prime serade. cuntun film. mi soi sintût un coion a vivi culì dulà che ti fasin cinc minûts di publicitât, e nissun film in lenghe origjinâl, e dopo a disin parcè che i talians a son ignorants e no san l'inglês. puars nô. se o ves plui timp mi metaressi a studiâ il sloven...

dimecres, de juliol 18, 2007

Uff... finût

Vuê ultin esam par cumò. Intun cjalt infernâl, o ai fat l'orâl. O vevi 22 tal scrit, dôs domandis (dimostrazions scritis) la prime perfete, la seconde mi mancjave l'ultin pas, ma instès decente. Risultât: 21. Cheste universitât e je propi un schifo, un tutor, tutôr, deficient, o cemût che lu vuelin clamâ, che ti da un vôt cussì, a voli. Po ben, aromai no mi free nuie, anzi mi à salvât l'estât chest esam. ancje la medie e pues lâ par sô cont, soi straconon. îr o ai regjistrât ricercje operative, altri esam di miarde, un 18, cul professôr che nus à fat spietâ un ore. Po mi dîs: mi dispiace di averle rovinato la media. No comment. Se o ai timp une di chestis zornadis o fasi une biele liste di ducj i esams, cemût che a son lâts, pro memoria futura. Mah. cumò fin a sabide, chill out in bologna, dopo relax in Friûl. Se no ves fisiche di fâ o sarès za laureât. Ma vuê o ai scuviert che laureâmi mi fâs pôre. Parcè? Parcè che no je finude. Dopo o scugni scomençâ la specialistiche. Jo o volarès cjapâmi un pôc di pause, lâ un pâr di mês ator, tipo a Londre, se no ca mi ven l'esauriment nervôs. Ma apene o ai acenât alc ai mei finanziadôrs :p ... za mi àn dit che o ai voie di piardi un an di bant. Che o ai di scomençâ subit. che o ai di provâ. che X a scomençât subit... che Y si sta laureant. Ma io soi strac. Cuasi cuasi o speri di ritardâ la lauree il plui possibil. Il limit massim al è Març: se mi laurei a Març, no podaran migo dimi di scomençâ subit? Boh boh boh super dubis. Îr di sere un bon azado cui argjentins, pecjât che no podevi rilassami masse che vuê o vevi l'esam. prest a tornaran ancje lôr a cjase. Cuissà ce che al vignarà. Un mandi ai blogarins che an comentât cumò ju zonti ca in bande

dimarts, de juliol 03, 2007

The land of perdition

Sì, o ai vude cheste impression la setemane pasade, o soi lât pe prime volte a Nova Gorica (Gurize gnove :-D) tal casinò. Juste par dâ un cuc, viodi cemût che al è... e al è come tal titul, plen di int (jere miercus, vie pe setemane, no dut plen ma parcè che il puest al è grant, ma la int a jere) e nuie, la grant part talians, tancj furlans, e ducj a tirâ fûr flichis, come che al dîs me nono. e o feveli di cjartis di 500€, che fin cumò o vevi viodût une o dôs voltis. Lì van vie come nuie. Robis di malâts. Jo tant cognossi cuasi par nuie chei zûcs... ma al jere ancje il manuâl di spiegazion! Ciert che il stât sloven al à di fâ un biel pôc di bêçs... e dut a neancje 30 km di ca di me... Po ben, a jerin sù in Friûl cun L., lu ai puartât un pôc ator, solits puescj, ancje su pes valadis dal Nadison, che a mi mi plasin tantonon, juste par mostrâi che il Friûl nol è dome plane. sin lâts fin a Savogne, biei puescj torni a dîlu. si sin divertûts, sin lâts ancje a Grau, soi rivât a brusâmi la muse cun dôs oris di soreli...Intant o ai cjapât 26 in lab di inzegnerie dal software, bon, ancje se no son chei esams che mi preocupin, ma chei no informatics. Doman o ai tornâ a fâ ricercje operative, po fisiche... ce balis. sperin ben. Par fortune al è un cjalt sopuartabil, un tic di aiarut, si tire indevant.
O ai viodût un coment di Giulia... graziis! a la fin lu torni a dî, chest blog al è come un diari lassât viert su la taule par cui che al passe e al vûl fermâsi... nuialtri.

A son ancje tornâts i argjentins... a son fuarts... o ai scugnût prestâ un pâr di barghessis, parcè che lis sôs lis à dismenteadis a... Tel Aviv :D... mah, doman di sere dopo dal esam, relax relax

dissabte, de juny 23, 2007

We're getting closer...

Bon, martars fat il prin esam, ma nuie di fâ. Al è un esam stupit, i esercizis ae fin a son facii, però si à di statents ae forme, se no al è un pont di mancul. Invezit, lunis, inzegnerie dal software, martars fisiche. Fisiche al è ancje das cuatri dopodimisdì, al sarà un cjalt di no crodi, jo o soi avonde pôc, nuie no, ae fin o soi plui puartât a sperâ tal secont apel, il 15 di Lui o ju di li. I argjentins a son lâts vie par cumò ma samee che a tornin, bon a la fin, a son simpatics, si capin in cualchi mût, jo mi divertissi a doprâ il spagnul... o il lunfardo, al slang di Bs.As /Buenos Aires. Di martars, o torni un pôc sù, ancje se al sarà ancjemò plui cjalt soredut di gnot. Îr di sere une buine pastesute di pes, cul pes fresc, robis di ristorant e di €€€... invezi pocjis voltis fûr cheste setemane, un pôc pal studi, un pôc par colpe di un videozûc online, robis di vuere, biei di fâ cui amis, magari fevelant cun Skype. Une grande distrazion

dissabte, de juny 09, 2007

Viers i esams

Vuê o ai studiât un grum. no sul seri, fisiche, e un pôc di C#. Ma, come probabilementri ducj a san, al è il prin no il secont che mi preocupe. Sperin ben. I esams a scomencin ai 19 mi pâr, vie par une setemane, dopo une pausute, e o dovarès rivâ a viodi i RedHotChiliPeppers a Udin (cuant mai tornarano?) e dopo ancjemò un dôs setemanis di dâi sote. Po forsit polse. Chê altre sere o jeri un un dai mei piês moments, no rivavi a fâ nuie, al mancjât pôc par butâmi ju dal barcon. Bon, po al è passât, planc a planc, però no sai, o ai simpri voie di lâ vie, o ai gole di fâmi un biel viaç, i viaç mentâi no son plui vonde, si fevelave di lâ un pâr di diis in Grecie, cuissà. Cumò a cjase a son trê argjentins, amîs di P., tipo un al à la me etât, però lui al è ca, e jo no soi in Argjentine. Un seri al varès di tornâ a studiâ cumò, ma al è ancje sabide, a larai a sparâ cazzadis cui argjentins. o un biel filmut. di lâ si sint chel imprest tipo armonighe, che doprin pal tango, il bandoneon, o larai di lâ, a sintî i tangueros, a gjoldimile cussì. A comunque une setemane a vonde frescje e ploie. No sai cuant che tornarà. Îr di sere i argjentins mi àn fat sercjâ fernet cun coche. al sa di midisine

dijous, de maig 24, 2007

Finâl di champions

Un cuatri peraulis intant che o spieti che la paste a bulidi... nuie îr di sere si sin viodûts culì la partide, il Milan al à vint, o vin mangjât une pizze fate in cjase, bune, propri bune, po o sin lâts a fâ un zîr in centro, a jere un pôc di int, cualchi tifôs, a sin lâts a bevi un doi cicchetti al College, un, il diablo, tu âs di bevi la robe e tignîle in bocje, po ti la impiin e tu viodis la flamade che sparis cuant che tu siaris la bocje e tu paris ju dut. Figo. Luca al à ancje comedât la telecjamare, cussì o vin zirât un orute di video, sei a cjase, sei lant e tornant dal centro. Al è simpri biel tornâ a sinti lis cazzadis che tu sparis, ce che tu disis, po a mi fotos e videos mi plasin, mi plasarès un mistîr cussì, ancje se pes fotos al è plui dificil, jo comunque o soi neât par disens e robis cussì, tu âs di vê un tic di sens artistic... però un video on the road, suntune machine, mi plasarès fâlu prin e dopo. Pal studi, no mi ven voie par nuie, al è dificilon, o speri simpri tal futûr, ma ca se no mi meti a fâ alc o soi mâl, sigh

divendres, de maig 18, 2007

Dut cuiet

Nuie di gnûf, o soi ca che no sai ce fâ, bon, se un al vûl cazzegjâ cul computer al cjate simpri ce fâ, ma nuie di util pal mont... po ben no podi sperâ di salvâ il mont ogni sere ;-) O soi che studii fisiche, voie cuasi zero, ma sperin che mi vignidi di plui... plui di une-dôs oris no rivi propi, chê altre dì soi lât in biblioteche, ma ae fin soi lât a bas a lei i gjornâi. vuê mi jeri fermât al parc, lì de universitât, che si stave benon, aiarut, soreli, benon, epûr nuie, plui di une orute, une orute e mieze al è impussibil. Forsit neancje se o voi sul Everest. E je int che studie tant. Jo no rivi. Sigh. Ma no crodi di jessi l'unic, baste viodi ducj che che a son ator la sere. Lui ai viodût ancje chê altre sere, che sin lâts fûr par fâ cun L. e J cuatri pas fin sul Pratel a cjoli un kebab, e po, al jere sierât e o sin rivâts fin in centro. Chê a jere ancje une fieste universitarie, di chei di sinistre, che si fasevin promozion dant vie bire a bas presit... erin lis elezions, no sai di ce no ai neancje votât, e mi pâr però che àn pierdût, la bire no je vonde si viôt. E je int che no i plâs Bologne par chist, casin, int pardut, butilis, cjans... jo no, cioè nol è che mi freedi plui di tant, libars di fâ che e ulin. Forsi soi massa libertari par jessi furlan. Ma ae fin no si pol restâ simpri sierâts in tes tôs ideis. Cmq o ai tacâ in cjamare la bandiere dal Friûl che Luca al à tacât manifescj di cartons, robe di fruts, che mi vergogni cuasi. almancul par implenâ il mûr.
Ah, simpri pe universitât a samee che a restarin dome nô informatics là... tant puest ma pocje vite mi imagjini...

dimarts, de maig 08, 2007

Serade balorde

Bah, o soi ca che o stavi spietant un amì se al vignive fûr... chel ca mi tire simpri pacs... al sta di chê altre bande de citât e ae fin no mi ven mai voie di lâ fin là, tipo cumò a son lis 11 e mieze e se va ben o soi in centro par miezegnot. pazience, larai a mangiâmi un gelato fin sul Meloncello... o larai a durmî. Il martars al è simpri interessant, po cumò e je une biele buerute fûr, di chês che no son mai e che ti partin la temperadure ideâl. po ben. viodin se al fin setemane o rivi a tornâ sù... varessi une fieste che mi plasarès lâ ma chi a son simpri plui programs, e vuê no, un al à di decidi un mês prime ce fâ. e jo no soi cussì (ancje se (purtop?) lu stoi un tic diventant). Cul universitât, vuê o ai regjistrât eletroniche, o ai di metimi a studiâ fisiche che sono soi fotût. No lu passarai mai. Sperin di sì. Vuê un prof nus à fevelât di tesi... cuissà cuant jo. Intant al è tornât il cjalt dopo une setemane di ploie e di temperaduris decentis. Comunque no rivi a organizâ un viaç decent, al samee impussibil, ma no si rive mai fin in somp, si cjale, si cjale, si fâs e dopo si lasse piardi. vuei fâmal un......................... prime di laureâmi? O dopo?
îr a la coop o ai cjatât la Hirter Bier. La miôr di simpri secont me. E cognossi ben il puest dulà che la fasin. Però, 1,5 €, o ai di metimi a impuartâ bire une dì, al rint, al rint un grum!

dimecres, d’abril 25, 2007

Si torne a scomençâ

Bon, o ai tornât a scomençâ cun lunis, o ai un cors gnûf e il solit fisiche 2 di recuperâ. Chel professôr al è a vonde mat, no sai par me si crôt diu, dome par vê scrit cualchi libri. lis sôs lezions a son di ridi però mi àn dit che ai esams al è di vaî e se tu passis tu podis ancje lâ su cui zenoi fin a San Luca. Po ben. Seradonis chei dîs ca, lunis di sere cun Michele, che era tant che no lavi fûr cun lui, ae fin si viodin pôc ma si fasin simpri grancj discors, o crodi che o vedin a vonde in comun ancje se o sin diviers, si sin sintâts là in Sant Scjefin, devant des glesiis, al è incredibil trope int che e jere ancje se al ere lunis. O capissi i residents. il colm al è che dut chist a neancje 500 m di cjase di Mr Romano, the president. Si viôt che lui al duar ben instès e nol sint nuie. Tacât di cjase so invezit zire e si sune di dut. îr di sere invezit o soi lât a cjase di Ste, mi divertissi simpri, cuant che o voi, o eri lât la par viodi la partide, po sin lâts fûr e sin finûts al transilvania, dulà che a jere la fantomatiche messaggeria jo no la vevi mai sintude sù, invezit a samee une robe famose. forsit so jo stupit che no voi tai puescj juscj. Simpatic però, tu mandis messaçs a chês altris taulis, e tu podis ancje fâ fente di jessi un altri taule. O sin rivâts un tic tart, al jere za cuasi miezegnot, o ai di tornâ. Dopo soi tornât a cjase ator das dôs un pôc sul cjoc. Bielis sensazions. Vuê invezit, la famose fieste nazionâl, prime un zirut a Villa Spada, po ai Zardins Margh, cun Ste. O soi lât cul Aerox, mai plui, ogni volte une sfighe, vuê no mi lave plui in moto, no lu supuarti chel motorin... bon amen, la prossime setemane al è ancje il 1 di Mai, mi inventarai il puint, dato che ca no lu fasin chei bastarts... e dopo studiâ studiâ studiâ. Mai scrit tant!

dimarts, d’abril 17, 2007

Second round: cussì cussì

Cun vue o ai finut l'apel di març/avril, e al à fin il belanç al è cussì cussì, un esam e mieç, eletroniche, bon parcè che al è un esam che al romp i coions, ancje se al samee facil e vue o ai fat il test di inzegnerie dal software, che al val pal oral, no indispensabil ma mior velu fat, simpri alc di mancul. Però, chel maledet comunicazions, o soi stat a studià ancje il di di Pasche e nuie, scrit laat mal e duncje al è come ve studiat dut par nuie. ce nervos. l'oral savevi un biel poc, ma mi à capitat un scrit compagn di chel di març, a jerin doi compits, A e B, il B lu savevi fa ma mi è vignut fur A. Paziense, ce atu di fai. Chest al slungjarà i timps, o crodi. Sperin di rivà par Març. Vue o stavin viodint cun Lu di fa un viazut, o par l'ultin dal an, o prime, un nol pol neancje nolegjà une machine se nol à almancul 25 agns, al è scandalos (no in realtat ti fasin paià il suplement, bastarts). Mah. Culì cjalt. Cjaldon. No olsi imagjinà lui/avost. Prime o soi lat su la moto di Perro, fin tal Carrefour, a cjoli un poc di robis (e ancje parcè che o vevi di scjariami dopo dal test di Ing dal SW). Honda CBR. corusse. però no mi dave tante sigurece, boh, no mi sameave tant sigur a guidà, cul cambi, cun dut. Forsit mi à za passat chel des dos ravuedis. Però cuant che tu sintis l'aiar inte muse ti samee di jessi in Paradis. Forsit varessi di comprami un spiderut. Fiat Barchetta. No crodi la fasedin neancje plui. Ir ancje batisim di Sim. Une biele zornade, mangjat come pursits, e dut cussì. Bon, cumò a son lis 1.43. O ai ancjemò di fa un casin di robis. doman o ai di tornà su, par rilassami un par di zornadis, che lunis a scomensin lis lezions, e si tache dut di gnuf. E di colp no mi van neancje plui lis letaris furlanis, par chel o scrivi cussì a cazzo. sperin che i trenos no mi fasedin scherçs, ma i crodi poc.

divendres, de març 23, 2007

First round: dut mâl

Beh, fin cumò o vevi di provâ 3 esams (bon, un complet e doi mieç esams) e son lâts ducj mâl... bad bad luck e cussì mi tocjarà passâ ancje Pasche a studiâ... cuissà se la prossime Pasche e sarà plui cuiete... un al spere simpri. Mi displâs soredut par chel complet, che al è un biel pôc di studiâ... comunicazions eletrichis di **************. Îr di sere, za che o vevi la machine, par smaltî la delusion, o ai cjapât sù cun luca e sin lâts prime ca parsore, san luche e sù fin a Sasso Marconi... poi drets fin a Vignola. a son biei puescj, ducj un tic ondulâts, e cjiscjei glesiis e palaçs medievâi par dut. E dut a pôcs chilometris, no plui che lâ su a Udin. Mi plasin masse i colli. Vêju lì a doi pas, salvadis, ma ben tignûts. Biel. Ah al è tornât il frêt comunque

diumenge, de març 11, 2007

Cuasi esams

O ai finalmentri cambiât il model dal blog, cumò o dopri chel gnûf che al è fat propit ben... dut visuâl, no si à di meti man al codiç. Biel. Mi plasin ancje chescj gnûfs colôrs. Po ben, intant o soi rivât a la ultime setemane di lezion, la prossime. Dopo esams. Aromai ducj a son impuartants, ancje parcè che a son pôcs ... ma se va ben cumò tra Març e Avrîl o soi metût ben. Se no, amen. Mi stoi simpri plui apassionant a Linux. Al va ben, al è biel e alternatîf. Varai di scomençâ a dâ une man cu la programazion. E je une cuestion di scomençâ, dopo tu vâs indevant. Îr soi stât a zuiâ di basket tal playground come chei vêrs. Difat o soi dut disfat vuê. Pazience. Cumò o mangji alc e dopo studiâ e studiâ e studiâ. Ah, e je rivade la primavere comunque. O nol è mai rivât l'unviar

dimarts, de febrer 27, 2007

Futûr

Eh, sì, it's time to think about the future. I'll probably finish the exams on December/January (at least I hope so), but what will I do in the future? After that? I guess I have to continue university, after just three years your degree is useless. But should I start right after, or should I take a break? I vote for the second... in particular I wanna go abroad for a couple of months, maybe in London, find a lil job and ...well... make experience. I'm sincerely fed up with Italy. This could be the right chance... well who knows... I'm used to life last minute style so these are really long-term planes......

dijous, de febrer 15, 2007

Metât trimestri

Soi a metât trimestri... ancjemò 4 setemanis e o viodarin i risultâts. Al fâs simpri cjalt, robe di primevere, mah. Domenie che o soi tornât jù o ai vût un pôc di casin che a Vignesie al jere carnevâl e al è simpri plen di int. O ai ancje fevelât une triestine ma slovene, no vevi mai fevelât cun nissun dome cun triestins talians/talianots... e dongje di me al jere sintât un de me stesse facoltât, e o ai tabiât un pôc ancje cun lui. O ai viodût ancje un coment, cuasi un paragon a pasolini robis gruessis :-D e po pasolini al jere mieç bolognês jo o soi un ospit (paiant ;-)).. pe fin si spere di no seguîlu, ma jo disi simpri che al dipint dut dal destin, nol è nuia di fâ.

diumenge, de gener 28, 2007

E la ligrie e je dai zovins

isal di avilîsi? sperin in amsterdam il prossin.
2007: nuie
2006: cjase cun un ami
2005: cene là di amîs po a triest
2004: cene a cjase di amîs po udin
2003: une pizze e po un salt a udin
2002: no mi visi. PAr cui probabil nuie
2001: nuie
2000: dongje di dael cun chei des mediis
1999-....: zoventût

divendres, de gener 19, 2007

Fin de session di zenâr

Un mesut che no scrivevi. O ai fat îr l'ultin esam, sperin che sedi lât ben. Però sai za che o ai passât un esam dûr, un dai doi plui dificii (chel altri al è chel di fisiche 2). Par cui soi content. Lis robis a van ben in chest cjamp. Tes vacancis, dal pont di viste privât a son ladis mancul ben. Soredut pal ultin. O varai di fâ un messaç di riepilogo dai miei Ultins passâts, par fâ un belanç. O soi cuasi deventât un espert di furlan e Internet, di consultâ cuant che si vûl meti sù un progjet di traduzion. E doi agns fa o savevi a malapene che al esisteve une grafie standard. Po ben, lunis a tornin a scomençâ lis lezions, chest periodi al è fondamentâl, se mi gjavi i esams indaûr ca di un an a Zenâr podaressi vê finût. Se no, al larà dut plui indevant.
Fûr a saran 15 grâts. cuntun aiarut che samee di jessi in Març/Avrîl; no pensi che a sedin stâts plui di 2-3 zornadis di frêt chest an. Ala fin mi sa che chê dal efiet sere e je vere, se no no si spieghe. Nuie nêf. Nuie ploie. Al è miôr trasferîsi plui a nord fin cuant che si rive. Ah, intes vacancis o ai ancje comprât un disc par furlan. Rap par cjargnel, di Dek Ill Ceesa. Bulo. Soi content di vê paiât 10€. Magari a fossin plui int come cheste.