Nur eine andere stille Nacht....

za che no stoi fasint nuie, scrivin alc sul blog ;-) Serade cuiete, aiarut fûr, il clime che mi plâs insome. O soi dâur a scrivi il prin toc de tesi, se dut al va ben podarès rivâ par Jugn, se no par Lui. Jo preferiressi Jugn, parcè che dopo al ven cjalt, e cussì mi podarès gjoldi un mês di plui, ma l'impuartant al è finî intun mût o in chel altri. viodarìn. forsit doman o voi doi dîs jù tes Markis lì di L., se lui nol ven ca, o scugni lâ jo a cjolu... ancje parcè che a cjase mi stoi rompint simpri di plui, o sin in trê, jo, A. e G. A. al è ancje simpatic ma al tabaie masse, al à simpri di fâ alc e dopo pôc mi romp i coions. G. nol nete mai, jo no soi un fissât ma nol fâs propi nuie. o a di viodi, forsit e je ore di cambiâ aiar e lâ vie. parcè che un puest cussì nol è facil di cjatâ, però tu âs di vê la int juste e ca si va simpri piês, mi visi dai biei timps cuant che soi rivât, al jere dut diviers... plui divertent, plui dut. no mi cjati plui ben. comunque al à plot simpri chê setemane ca, ogni sere, ma a disin che di doman al varès di vignî biel. îr di sere ancje un biel burlaç. robis di no crodi. po dovaressi tornâ sù miarcui o joibe, e stâ fin a domenie. mi soi simpri sintût un pôc jù in chestis zornadis, però dopo o pensi che o ai cuasi finût e mi tiri sù... mah, cumò miôr lâ a durmî e doman decidi se fâ un salt jù o no. tant al è il weekend, no podi mica stâ 24h su 24h sul computer no? mi disfi i voi, e mi coventin ancjemò par un pôc... good night and good luck

E si continue....

Soi tornât sù, graziis al scont eletorâl, 60%, migo di butâ vie. e in plui cuatri schedis, e cun cuatri crosutis tu podis in teorie cambiâ al mont. o lu cambiavino cun lis bombis?? po ben, cumò dopo dôs setemanis di cazzeggio o ai di tornâ a scomençâ par fâ chiste tesi e finî dut... dut, in realtât chiste. vuê mi à cjapât di gnûf l'ansie, forsit al è parcè che o stoi par finî une robe, e dopo... boh. ogni volte che tu finissis une robe al rive alc di gnûf. il fat al è che no crodi plui tant in ce che o fasi, no un pôc sì, disin al 60%, ma al sta calant. almancul une volte tu cjapavis UNE lauree. cumò dôs. cun setante mîl esams. chiste universitât e fâs schifo. spieli dal paîs probabilmentri. mah. L. nol è a Bologne, o soi di bessôl, un pôc o ciri la companie, forsit parcè che o ai simpri pore di restâ di bessôl, o magari torne fûr la timidece, che o soi rivât a vonde a combatile in chescj ultins agns, ma je simpri lì. no sarai mai un super-espansîf. ma il caratar, come l'aspiet, come dut, no si pues comprâlu te buteghe. beh forsit l'aspiet sì, se tu âs bêçs. sperin che come che an dit chiste sedi une estât frescje. se no varai di patî. post un tic riflessîf-depriment-malinconic-etc. mancje dome la ploie fûr che bat sui barcons. però no sai, ma ogni volte che o torni sù al plôf. o i furlans a son abituâts, o intai ultins agns al plôf di plui. si torne simpri culì. ore di lâ a slofen, come ch'al dîs me nono

All done

Soi rivât insomp!!! miercui o ai fat l'orâl di fisiche cun chel mat, fûr cul cjâf... ma no dome pal mût di fâ, ma ancje par ce che nus à dit ae fin... robis che mi restaran impressis par simpri... magari lis scrivarai, ma cumò o soi dome content, mi sinti come se mi vessin gjavât un pês di 100kg che mi tormentave di 3 agns in ca...po joibe l'ultin esam, controlli automatici, un 26 cun tun tic di cûl che nol fâs mai mâl... e cumò al libret al è plen, 28 su 28. no crodevi di rivâ. prime dal esam di fisiche no ai durmît nuie di nuie par dôs gnots. ma cumò al è dut finût, in casin la fisiche e il dipartiment di miarde. speri di no tornâ mai plui la dentri. cumò lunis o voi a domandâ la tesi, e po par jugn o varessi di finî dut.... une estât cence nuie di fâ e nissune preocupzion...... unbelievable... unglaublich... no ai ancjemò realizât dal dut... masse content. e cumò mi podi ancje gjoldi un pôc la primevere e pensâ al futûr.
ah e îr mi à rivât ancje il pc, che lu vevi mandât pe seconde volte in assistence... e samee funzionâ....