e dopo il viaç si scugne scomençâ a fâ alc

Bon, za dôs setemanis che soi tornât da Norvegje, biel viaç, lunc ma si sin divertûts, il paîs al è biel ancje se plui come robis naturâls, tipo a Oslo come robis storichis al jere pôc e nuie... e i presits a son altonons pai talians, il dopli e ancje di plui... a stâ un pâr di mês là tu vâs in faliment pensi... par tantis robis a son indevant come che mi spietavi, par esempli o vin cjapât un treno di gnot e dongje dai sedii comuts che tu podevis distirâti a regalavin ancje il kit par durmî cun cuviertute, cusin di sglonfâ e mascare pal lusôr... ducj chei che a àn cjapât un ICN o un Espres in Italie a san che durmî al è impussibil parcè che tu stâs plui che stret e in plui la int a fâs casin. Po al jere ancje biel il fat che se tu partavis lis butilis intun supermarket ti tornavin i bêçs dal vueit... un biel incentîf al ricicli! Po cumò soi ancjemò che mi stoi tornant a meti in timp cui studis, cun pocje voie di fâ... sabide e domenie e je vignude a cjatâmi A. di sù e o vin zirât un pôc insieme... tra l'altri, une biele scene: o jeri dongje de stazion di Bologne, sot di un tendon dulà che a vendin libris doprâts, sinti un frutut tabaiâ par furlan, ma mi sameave strani, voi dongje e mi meti a cjacarâ cu la mari, che e jere di Tarcint... mi à fat plasê sintî che e fevelave cui fruts par furlan, nol è che tu lu viodis tant spès vuê.... mandi al Rototom che al emigrarà a Barcelone, magari podessi fâlu ancje jo.....

Peule

Probabilmentri e je la peraule juste par descrivi lis ultimis dôs zornadis... îr orâl di OR, savevi dut, chel bastart al è lât a tirâ fûr dôs domandis une plui impestade di chê altre, cu la prime mi la soi gjavade, cu la seconde no... Se lavi dôs setemanis al mâr invezit di studiâ al jere miôr, di sigûr no blestemavi a chei livei. Che soi sfigât a voltis lu savevi ma mâl cussì no... po par tirâmi sù lis ai provadis dutis, zuiâ a trivial pursuit (e soi rivât ultim jo che soi campion uficiâl...), PES (e o vin finût la partide in vot, cun trê sconfitis di file), po stamatine o ai ancje pierdût al bus par lâ in stazion e o ai scugnût fâ ugo bassi-stazion corint. Miôr sta cuiets e spietâ che la peule cjaledi di une altre bande.... bon a la fin al gnervôs al reste, soi ancje che o ai di decidi se passâ ae benedete lauree magjistrâl, che lunis a scomencin lis lezions... ce mês di miarde. bon no dal dut, a la fin o ai ancje fat alc altri par fortune, soi lât a viodi i Coldplay a Udin cun A., biele coreografie ancje se no savevi lis cjanzons ;-D, e tra l'altri o ai ancje ospitât cinc amighis di L. che no savevin dulà lâ a durmî, ancje se chest al à volût dî fâsi un biel udin-grau dopo dal concert... soi lât un pâr di voltis in bici ancje se o ai za pierdût la forme, soi lât a viodi i Sud Sound System, biel fûr pal vin che mi soi stronfât intor ... si podarès ancje salvâ il mês ae fin.... ancje Avost, ben la prime metât, cun vacancis in Abruç e pe prime volte ancje in Molise (Molîs?), aka la regione che non esiste. Biei puescj, nature di gjoldi, paisuts su pai monts come une volte... un pôc come lis Marchis, ma doi secui fa. Biele ancje la cueste, mi à sorprindût Termoli (e ancje Vasto al merte une visite, e no dome ae Marine famose pai locâi :P). Bon par tignimi sù il morâl par fortune o larai di sigûr in Norvegje a cjatâ L. a metât Otobar e po a Novembar crodi ancje a Valencia... viva (la vida)

Holidays

Za Avost... timp di vancancis... no scrivi plui tant culì, come tantis robis i vûl costance, ma a la fin ancje scrivi alc ogni tant nol è mâl. Soi cjase za di une stemane, e o ai finût i esams ancje prime (il 20). Di chel pont di viste no soi metût benon, 4 fats, doi orâi par setembar, vôts a vonde bas... ma il probleme al è che soi simpri indecîs se cjapâ dut o tornâ a fâju par vignî fûr cun tun vôt decent, ma piardint plui agns... in plui ancjemò no ai decidût se passâ ae gnove riforme (Lauree Magjistrâl), che e à mancul esams (12 invezit che 17, di cui ben 6 a sielte, cumò dome 3). Cjalant su la cjarte a son un grum di vantaçs, ma come simpri (e in Italie chist al vâl di plui), la strada vecja si la cognòs, chê gnove no si sa. Cumò o torni une setemane in Abruç, aromai soi cuasi fis, ma son biei puescj, il mâr al è decent (invezit no sai ma a Grau mi samee simpri piês boh)  e po in Otobar no viodi l'ore di lâ a cjatâ L. in Norvegje. O provarin a viodi se intune setemane si rive a lâ a Nordkaap e tornâ ju cence murî, parcè che bon une volte che tu vâs là sù atu di no lâ fin a Cjâf nord?? Starin a viodi, se dopo rivi a cjatâ ancje cualchi altri viaçut tal forest, o speri che chest sedi un an di viaçs viodût che chei a dan sodisfazion plui di ogni altre robe. Ah, e soi ancje in buine forme, ala fin cuasi 500 km in biciclete, cumò o cognòs ogni paisut pussibil disore Bologne e dutis lis salidis plui bastardis. Mi mancje dome San Luca.

Paris

O soi stât cun S. di sabide fin martars a Paris, mi mancjave te liste des capitâls de Europe, e mi à plasût a vonde, po o vin sparagnât sul durmî parcè che o sin stâs a cjase di A.... o ai di dî che o preferìs citâts un tic plui piçulis... però si scugne dî che cu la metro tu coris ben, al è dut un altri zirâ. po là a an bicicletis publichis, e dut, tant che tu podis cence problemis no vê une machine.... però no sai i mancje alc, forsit il mâr... e po al coste dut un casin, miôr la Spagne, par bevi un dôs robis tu âs di domondâ un prestit, e pur mi pâr che bevin instès... mah...tornant sin passât di 18 grâts là a 30 ca, e al è stât un brut colp... metât di Mai e za cussì cjaldon e je propi une peule, tu rivis a fâ di mancul di ce che tu fasevis , che al jere pôc.... po ben... di cheste setemane che ven o varessi di tacâ a studiâ ma al è che che si dîs simpri, in realtâ o varessi voie di tornâ a partî cumò, a la fin il dificil al è prime, dopo cuant che tu sês partît al è facil e tu continuaressis par simpri... stoi sudant par scrivi dôs riis, se scjafoias... dopo larai a fâ un zîr in bici par sudâ un pôc, parcè che pitost di sudâ e fâ nuie miôr sudâ e fa alc.... îr par viodi il Giro d'Italia a San Luca, pensi di vê piardût 3 litros di licuits........ siarin cui Après la Classe, from Salentu/France, cognossûts in the South l'estât passade

Paris la nuit est ancore plus jolie
Ca c’est la nuit qu’ il y a à Paris
Le peuple, la foule
Qui bouge come des fourmies
Ca c’est le monde qui vit a Paris
La musique se lève dans toute la ville
Le vin et la magie,de son parfum
La foule qui se lève à chanter
Vive le quatorze juillet

Pa parappaparapapapaParis,
Pa parappaparapapapaParis
Pa parappaparapapapaParis,
Pa parappaparapapapaParis,

Paris et les ruelles
Paris et ses galeries
L’odeur de la seine
Les histoires et sa magie
Les tetes coupèes
Pour avoir la libertè
Et come ce grand jour
rien ancore est changé
Paris, Paris
Paris, la paresseuse
Paris la nuit est ancore plus jolie
Paris, Paris
Paris et ses amoureux
Ca c’est le monde qui vit à Paris.
La musique se lève dans toute la ville
Le vin et la magie,de son parfum
La foule qui se lève à chanter
Vive le quatorze juillet

Pa parappaparapapapaParis,
Pa parappaparapapapaParis
Pa parappaparapapapaParis,
Pa parappaparapapapaParis,

Pa parappaparapapapaParis,
Pa parappaparapapapaParis
Pa parappaparapapapaParis,
Pa parappaparapapapaParis,

RAGAMUFFIN :
An message

ancjemò feriis

o soi ancjemò in feriis, ancjemò un mesut e une setemane, disin che o sarai pront a scomençâ di gnûf, a mancul o speri... cumò sei a cjatâ me sûr e soi in aghe, al è plui cjalt cumò che a avost...... il probleme che mi reste al è chel da cjase che no ai ancjemò cjatât e anzi al è simpri plui un casin no sai ce che o ai di fâ, parcè che jo cirivi une cjase par an sôl ma cun altre int che invezit e reste di plui par cui boh no sin dacuart e secont me in curt a si metarin a litigâ baah... come vacancis o soi stât un cinc diis tes Marchis, biel come simpri, po altris cinc diis in Abruç, biel ancje chel, o ai fat un fûc di sere al mâr che no vevi mai fat... tant ce atu di fâ, se tu lu fasis a Grau o Lignan, ti viodin che tu lu fasis di Triest e rivin a fermâ dut... lì invezit dutis spiagiutis platadis ben, ambient ideâl. nuie di gnûf, l'Italie e je veramentri dute biele (dute dute magari no ma disin il 90%).. tes Marchis invezit soi lât al Montelago Celtic Night, dute la gnot musiche celtiche, biele, po cu la tende vin fat a vonde casin.... starin a viodi tes prossimis zornadis, i ai ancje prometût ai nonos di menaju a Barbane, e larai ancje vulintîr al è un casin che no voi là.... e po come che o ai za dit a mi il mâr mi plâs di plui in chei mês ca

-11

Mah, soi 4-5 diis che no fasi un cazzo, probabilmentri ancje sigûr sigûr che mi cjatarai tai ultins doi diis a fâ mil robis. pasiensa... al è chest al biel de universitât, amancul cussì a disin. îr bici, sin rivâts fin sù a vie dal genio, su internet no si cjate tant ma disin 33 tornants e par me e je stade durone. però ti da sodisfazion a rivâ insomp. a misdì une sglavinade, po al è tornât soreli. cjalt ma si vîf. e soi ancjemò homeless.
undis undis undis :P
però se e je une robe che mi plasarès vê par furlan e je Google.
chist blog al sta diventant simpri plui in stîl James Joyce...
ah mi stan vignint voie di fâ une viaç cence preparazion... 9 di avost...

Nur eine andere stille Nacht....

za che no stoi fasint nuie, scrivin alc sul blog ;-) Serade cuiete, aiarut fûr, il clime che mi plâs insome. O soi dâur a scrivi il prin toc de tesi, se dut al va ben podarès rivâ par Jugn, se no par Lui. Jo preferiressi Jugn, parcè che dopo al ven cjalt, e cussì mi podarès gjoldi un mês di plui, ma l'impuartant al è finî intun mût o in chel altri. viodarìn. forsit doman o voi doi dîs jù tes Markis lì di L., se lui nol ven ca, o scugni lâ jo a cjolu... ancje parcè che a cjase mi stoi rompint simpri di plui, o sin in trê, jo, A. e G. A. al è ancje simpatic ma al tabaie masse, al à simpri di fâ alc e dopo pôc mi romp i coions. G. nol nete mai, jo no soi un fissât ma nol fâs propi nuie. o a di viodi, forsit e je ore di cambiâ aiar e lâ vie. parcè che un puest cussì nol è facil di cjatâ, però tu âs di vê la int juste e ca si va simpri piês, mi visi dai biei timps cuant che soi rivât, al jere dut diviers... plui divertent, plui dut. no mi cjati plui ben. comunque al à plot simpri chê setemane ca, ogni sere, ma a disin che di doman al varès di vignî biel. îr di sere ancje un biel burlaç. robis di no crodi. po dovaressi tornâ sù miarcui o joibe, e stâ fin a domenie. mi soi simpri sintût un pôc jù in chestis zornadis, però dopo o pensi che o ai cuasi finût e mi tiri sù... mah, cumò miôr lâ a durmî e doman decidi se fâ un salt jù o no. tant al è il weekend, no podi mica stâ 24h su 24h sul computer no? mi disfi i voi, e mi coventin ancjemò par un pôc... good night and good luck

back to normal life

Magari podê viazâ simpri...la vacance e je lade ben, si sin divertûts a vonde, o vin viodût un pâr di biei puescj e di biele int... uniche roture, il viaç (21 oris par lâ, no finive plui, po jo che soi alt no stavi dentri, mi tocjave stâ mieç sul sedîl e mieç tal coredôr e mi soi disfat i zenoi... e disevin ancje che al jere un autobus gran turismo) e l'albergo che al jere di lus super lus però fûr, plui in là dal areopuart e i traspuarts a jerin chei che jerin... l'ultime zornade sin stâs fêrs ancje un vincj minûts par un defekt, o alc dal gjenar, l'olandês al reste un casin secont me, però di 7, o jeri come simpri il tradutôr, parcè che mi plâs fâlu e sai l'inglês. Però ancje in autobus si sin fats un cuatri ridadis, dongje di me si son sintâts doi propi di ridi, doi umbros, di sbacanâsi. E po là, l'Olande e je la tiere de libertâts, ducj a varessin di fâ un salt là, a viodi un paîs dulà che si divertissin ma cence fâ (masse) casin. Ancje se a tiravin un grum di bots, mai sintûts tancj. Amsterdam e samee par tantis robis une citât mediteranee. E la sere dal ultin (anzi la matine dal prin, erin lis 7...) cuant che si tornâts tal hotel, e jere une fumatone come a Rovigo! Su lis televisions internazionâls, a fevelavin di Italie par la vendite de Alitalie e ogni tant pes scovacis... bielis figuris. Ah, e mi soi viodût la finâl dal campionât mondiâl di frecetis, robis seris, cun public e biei bêçs par cui ch'al vinç. Bon, cuant che rivi viodi di meti ancje cualchi foto, ancje se no lis ai fatis jo. Al è ancje un biel video, ma al à di restâ top secret ;-)
Bon, tornât, e son scomençâts i casins, mi mancjin 2 esams, ma di fisiche no mi met l'apel in zenâr... risultât: mandi ae idee di laureâsi a Març, sperin in Jugn/Lui, intant paiarai un altri an di tassis, e dut parcè che chist al è un cesso di paîs... e ancje parcè che jo o soi sfigât. Cumò stoi viodint di une tesi, e no si cjate in zîr nuie che mi interessedi. Chist parcè che i professôrs ti fasin fâ ce che dovaressin fâ lor, ancje se a son cazzadis che no ti coventaran a nuie inte vite, o sul lavôr. Sì soi a vonde incazât. Cualchidun al podarà visâsi di chel film inutil cul slogan: Non ti laureare, continua a cazzeggiare ma insome, mi soi za rot i co**ns jo, o varès ancje voie di concludi. Ancje parcè che al conte dome il toc di cjarte, come abilitâts, tu sâs pôc e nuie cuant che tu vegnis fûr di une universitât taliane.
P.S Dree, tu mi âs becât. Bon, cumò che o soi par fuarce libar, combinin ancje chel, pal 15 mi sa che al è tart, al sarà pal mês dopo, cussì tu podis publicâ par Març. Març al è un biel mês par fâ anuncis :-D

Amsterdam, here I come

Post di corse, parcè che o soi in partence... doman di sere o partissi pe Olande, par fâ l'ultin cun L. e un pôcs di siei amîs... sin in 7 in dut... o crodi che sarà divertent, ancje se un tic di mats, cuasi 20 oris in autobus. Ma miôr l'autobus dai maledets trenos. di sigûr al sarà alc di diviers. mi àn pene ativât l'ADSL, ancje ca in Friûl, robis di n crodi, o vin vût di spietâ dome il 2008... però al samee lâ ben. pecjât che o ai di lâ vie e no podi configurâlu cemût che o vuei, ma lu fasarai dopo dal 3. Ah intant o ai passât un esam, il plui facil e biel di chei che mi restavin... cuntun bon 30! -2 cumò... ancje se a son vignûts fûr altris casins, scrivarai alc prossimamentri.... bon par intant bon nadâl in ritart e bon 2008 in anticip a ducj cuancj :D
Mandi

Su e jù

Soi tornât sù par ben doi weekends di file, chel altri, di miercus fin a domenie, al jere puint, e tal me paîs e jere sagre... ae fin o soi lât a dâ une man, cui parchegjos e robis cussì, e ancje di tradutôr par un vecjo amì, che a jerin lì dôs amighis polachis, che fevelavin a vonde ben inglês (e une e jere ancje biele...) . No sai dulà che o ai let che tipo il 42% dai talian al sa fevelâ par inglês... boh, secont me a son di mancul. E ancje te universitât boh... sin metûts mâl, o ai di meti prime o dopo cualchi test di Fabri Fibra. Al fâs il coion, però al è l'unic che disedi lis robis cemût che son, parcè che son inte musiche taliane ti disin simpri chês cuatri cagadis, descrivint un mont ideâl... bon insome mi soi divertût, o ai bevût vin bon, e viodût int che no viodevi di timp. Al jere un pâr di agns che no gjoldevi cussì la sagre... o stoi invecjant. Biei timps cuant che si lave sui autoscontros... po la setemane passade soi tornât sù sabide di matine, parcè che o vevi di lâ a une fieste di lauree e tornâ a viodi chei de superiôrs... po la fieste e jere tacade di me, no che no mi ledi di vuidâ, ma se no magari a fasevin storiis pe machine, e vie indevant. Pal rest, tra un mesuts esams, o stoi lant a studiâ in biblioteche, se no no cumbini nuie, sperin ben, e stoi cirint di fâ ancje i doi progjets... îr al jere sul gjornâl, puest di call center a Dublin, 1600 euro lords (boh, no sai cemût che si dîs par furlan....), a son un grum di bêçs, in Italie za arivâ a 1000.... Ireland dreaming.... sperin prest.... par l'ultin dal an, se rivin a cumbinâ alc, a nin a Amsterdam, autobus, robis di mats, soi sigûr, ma ai dit, o fruts, o vin 20 agns, tu lu fasis cumò o mai plui. Viodarìn. Nuie di gnûf sul front sentimentâl.....

Bologna is on fire

No, par fente, no sta brusant nuie, però plui passe il timp e plui mi acuarzi che chiste citât e je particolâr... manifestazions, bancuts in place, musiche a dut volum a ogni ore. simpri un casin pardut. ducj cuintri dal sindic, e cumò ancje jo che mi à metût i parchegjos a paiament sot cjase, e cumò, se mi capite di vê la machine, soi finût mi tocje paiâ un casin a chei bastarts dal comun... jo no sai ma cun ducj chei bêçs che si bechin cun li multis a varessin di piastrelâmi il puartin sot di cjase me di marmul..... Fin setemane, stât sù, partît joibe, che al jere il patron ca, e cuindi puint... partî une zornade prime al è dut un altri mont... varessi di fâlu plui spes... sabide di sere une biele fieste di vecjos, cun ancje une persone a cui soi interessât... ma no soi ancjemò rivât a digjilu... maledete timidise... sperin di rivâ prest.... domenie po une biele mangiade di pes, che paiave la none pal complean. E ancje il me al è dongje.... domenie o sarai plui vecjo... ben vincjedoi. i vincj a son simpri plui lontans... bon l'important al è gjoldi enjoy o carpe diem ... par Giulia, che mi dîs di cemût che fasi a sta lontan, pur jessint leât al Friûl... boh... mi soi acuart di jessi leât al friûl cuant che soi partît, come ducj i emigrants. cuant che viodis ogni stupit dì la buere, o la ploiute, o la fumate, nol è che ti samein robonis. ma po tu vâs vie, e ti scomencin a mancjâ, a viodi che dulà che tu sês no son, che la int e je divierse e fevele un talian che no si capis nuie. Par me, ducj varessi di lâ un an o ju di lì vie di cjase. tu impararessis tant, e forsit ancje ti judarès a capî cui che o sin... bon a la fin soi finût su argoments depriments ... pazience

Plui di un mês

Eh sì, plui di un mês...cul fat di vê dome il 56k no ven voie di fâ nuie. al è un suplizi. bon, soi stât a Barcelone, biel, bielone, ma si sa che jo soi esterofil. Forsit varessi di lâ in cualchi citât plui puare, cussì di fâmi plasê ches talianis. Ma par esempli in Spagne, a son indevant su dut. E trente agns fa a jerin a zero. E la int si gjolt la vite, no come ca ducj impegnâts a cori. Po a Barcelone tu viodis che a son architets decents no come ca che a fasin une robe cussì che altre divierse, cence un minimo di idee daûr... e dal pont di viste economic?? Parcè l'IVA e je al 7% e culì al 20%???? trê voltis tant di bêçs al stât... incredibil...po ben... intant o ai tornât a scomençâ. vuê o ai fat une altre volte il scrit di fisiche, ma samee lât ben. sperin. lunis si san i risultâts. siarin cuntune foto significative

feriis

Bon, soi in Friûl a rilassâmi un pôc dopo chest an dificil, fin ae fin di cheste setemane no fasi propi nuie. di lunis o vuei scomençâ a cjapâ sù alc, parcè che o varès di lâ un pôc ator tes prossimis setemanis (marchis/umbrie forsi e barcelone sigûr)... ca al è il bon vecjo 56k, cussì mi passe ancje la voie di navigâ che al è miôr cussi lei, zuie di basket, lâ un zîr a Grau (soi ancje avonde abronzât, dopo agns), etc, dutis chês robis che no si rive a fâ vie pal an. Al è cjalt ma no impussibil. Po cumò o ai ancje il nevotut culì, al è vivonon, ca di un pôc al scomence a cjaminâ e alore saran problemis. Però al è divertent. La robe che mi plâs fâ e je ancje cjalâ TeleCapodistria. E je une robe che mi mancje a Bologne, cul sport e lis notiziis alternativis. Chê altre dî o ai metût un pôc su un canâl sloven, di sere, e davin un film in lenghe origjinâl, cun sot titui in sloven, biel, e soredut, la publicitât là a durave si e no un minût. in prime serade. cuntun film. mi soi sintût un coion a vivi culì dulà che ti fasin cinc minûts di publicitât, e nissun film in lenghe origjinâl, e dopo a disin parcè che i talians a son ignorants e no san l'inglês. puars nô. se o ves plui timp mi metaressi a studiâ il sloven...

Serade balorde

Bah, o soi ca che o stavi spietant un amì se al vignive fûr... chel ca mi tire simpri pacs... al sta di chê altre bande de citât e ae fin no mi ven mai voie di lâ fin là, tipo cumò a son lis 11 e mieze e se va ben o soi in centro par miezegnot. pazience, larai a mangiâmi un gelato fin sul Meloncello... o larai a durmî. Il martars al è simpri interessant, po cumò e je une biele buerute fûr, di chês che no son mai e che ti partin la temperadure ideâl. po ben. viodin se al fin setemane o rivi a tornâ sù... varessi une fieste che mi plasarès lâ ma chi a son simpri plui programs, e vuê no, un al à di decidi un mês prime ce fâ. e jo no soi cussì (ancje se (purtop?) lu stoi un tic diventant). Cul universitât, vuê o ai regjistrât eletroniche, o ai di metimi a studiâ fisiche che sono soi fotût. No lu passarai mai. Sperin di sì. Vuê un prof nus à fevelât di tesi... cuissà cuant jo. Intant al è tornât il cjalt dopo une setemane di ploie e di temperaduris decentis. Comunque no rivi a organizâ un viaç decent, al samee impussibil, ma no si rive mai fin in somp, si cjale, si cjale, si fâs e dopo si lasse piardi. vuei fâmal un......................... prime di laureâmi? O dopo?
îr a la coop o ai cjatât la Hirter Bier. La miôr di simpri secont me. E cognossi ben il puest dulà che la fasin. Però, 1,5 €, o ai di metimi a impuartâ bire une dì, al rint, al rint un grum!