dilluns, d’octubre 08, 2007

Bologna is on fire

No, par fente, no sta brusant nuie, però plui passe il timp e plui mi acuarzi che chiste citât e je particolâr... manifestazions, bancuts in place, musiche a dut volum a ogni ore. simpri un casin pardut. ducj cuintri dal sindic, e cumò ancje jo che mi à metût i parchegjos a paiament sot cjase, e cumò, se mi capite di vê la machine, soi finût mi tocje paiâ un casin a chei bastarts dal comun... jo no sai ma cun ducj chei bêçs che si bechin cun li multis a varessin di piastrelâmi il puartin sot di cjase me di marmul..... Fin setemane, stât sù, partît joibe, che al jere il patron ca, e cuindi puint... partî une zornade prime al è dut un altri mont... varessi di fâlu plui spes... sabide di sere une biele fieste di vecjos, cun ancje une persone a cui soi interessât... ma no soi ancjemò rivât a digjilu... maledete timidise... sperin di rivâ prest.... domenie po une biele mangiade di pes, che paiave la none pal complean. E ancje il me al è dongje.... domenie o sarai plui vecjo... ben vincjedoi. i vincj a son simpri plui lontans... bon l'important al è gjoldi enjoy o carpe diem ... par Giulia, che mi dîs di cemût che fasi a sta lontan, pur jessint leât al Friûl... boh... mi soi acuart di jessi leât al friûl cuant che soi partît, come ducj i emigrants. cuant che viodis ogni stupit dì la buere, o la ploiute, o la fumate, nol è che ti samein robonis. ma po tu vâs vie, e ti scomencin a mancjâ, a viodi che dulà che tu sês no son, che la int e je divierse e fevele un talian che no si capis nuie. Par me, ducj varessi di lâ un an o ju di lì vie di cjase. tu impararessis tant, e forsit ancje ti judarès a capî cui che o sin... bon a la fin soi finût su argoments depriments ... pazience

3 comentaris:

  1. eh eh mitico!!!
    oh ma jot di fati indevant cun che persone eh!
    no sta spetà mase!!!
    oh coragjo e sangue freddo...disci dut!
    a to moot, ma discial...mal ca vadi tu metis il cor in pas, no sta fa come me che soi state davor a un dal me pais par 15 ains cence disci mai nuje a lui...i vares vut di dilu, amancul no continuavi a illudimi!!!
    oh sempre all'occhio eh!
    mandi mandi e a riviodisi!!!
    giulia

    ResponElimina
  2. Gjulie e a resòn...valà... e se son rose fioriranno.
    In bocca al lupo!

    ResponElimina
  3. Tu as reson ce che ti mancje de patrie ( che Furlane ) e son simpri les robis plui pizulis.

    Al Matajur, l' air a frescut dai prins di Setembar/fin avost. Lis fumatis, i temporai di astat e al fret che ti glace ancje i vues vie pal unviar.

    Le tor i monts le braidis furlanis...

    Ma dopo cun co ven in Friul dopo une setemane o sint le mancjance de me cjase Merecane :-)

    mandi, Norman

    ResponElimina