dimarts, de juliol 03, 2007

The land of perdition

Sì, o ai vude cheste impression la setemane pasade, o soi lât pe prime volte a Nova Gorica (Gurize gnove :-D) tal casinò. Juste par dâ un cuc, viodi cemût che al è... e al è come tal titul, plen di int (jere miercus, vie pe setemane, no dut plen ma parcè che il puest al è grant, ma la int a jere) e nuie, la grant part talians, tancj furlans, e ducj a tirâ fûr flichis, come che al dîs me nono. e o feveli di cjartis di 500€, che fin cumò o vevi viodût une o dôs voltis. Lì van vie come nuie. Robis di malâts. Jo tant cognossi cuasi par nuie chei zûcs... ma al jere ancje il manuâl di spiegazion! Ciert che il stât sloven al à di fâ un biel pôc di bêçs... e dut a neancje 30 km di ca di me... Po ben, a jerin sù in Friûl cun L., lu ai puartât un pôc ator, solits puescj, ancje su pes valadis dal Nadison, che a mi mi plasin tantonon, juste par mostrâi che il Friûl nol è dome plane. sin lâts fin a Savogne, biei puescj torni a dîlu. si sin divertûts, sin lâts ancje a Grau, soi rivât a brusâmi la muse cun dôs oris di soreli...Intant o ai cjapât 26 in lab di inzegnerie dal software, bon, ancje se no son chei esams che mi preocupin, ma chei no informatics. Doman o ai tornâ a fâ ricercje operative, po fisiche... ce balis. sperin ben. Par fortune al è un cjalt sopuartabil, un tic di aiarut, si tire indevant.
O ai viodût un coment di Giulia... graziis! a la fin lu torni a dî, chest blog al è come un diari lassât viert su la taule par cui che al passe e al vûl fermâsi... nuialtri.

A son ancje tornâts i argjentins... a son fuarts... o ai scugnût prestâ un pâr di barghessis, parcè che lis sôs lis à dismenteadis a... Tel Aviv :D... mah, doman di sere dopo dal esam, relax relax

2 comentaris:

  1. eila mandi!
    be, jo i soi une vore curiose e alore no podevi fa amancul di meti il nas talas tos robes!!!
    par ricambià ti lasci il me indiris di blog, a l'è gnouf eh, dome poos dis di vite!!!
    http://adrenalid.blogspot.com
    in teorie a lè cusì...no mi lu impensi ben a memorie incjemò!!!
    tantes bieles robes, mandi mandi
    giulia

    ResponElimina
  2. cui disial che al " mainly Friulian (useless) stuff"

    al Furlan al e une vore Important...e je le lenghe de nestre anime :-)

    In ogni mut ancje a me al plas la' a spas pai monts che pocjs voltis co ven in Friul. ( une volte ogni muart di pape a di al ver )

    mandi, Norm

    P.s. continue a scrivi ! ;-)

    ResponElimina